Yfirskrift næstu málstofu Hafrannsóknastofnunar er: Handan vendipunkta - margir álagsþættir varðandi vernd líffræðilegs fjölbreytileika í hafi. Fyrirlesari er Dr. Sam Dupont er prófessor við Háskólann í Gautaborg í Svíþjóð.

Hafrannsóknastofnun leggur til loðnuráðgjöf upp á tæp 44 þúsund tonn. Byggt á loðnumælinum rannsóknaskipanna Árna Friðrikssonar og Tarajoq í síðasta mánuði og gildandi aflareglu er ráðlagður hámarksafli 43 766 tonn fyrir fiskveiðiárið 2025/26. Þessi ráðgjöf er í samræmi við upphafsráðgjöf sem byggði á mælingum á ungloðnu haustið 2024. Ráðgjöfin verður endurmetin þegar niðurstöður bergmálsmælinga á stærð veiðistofnsins liggja fyrir í byrjun árs 2026.

Válistaskráning kaldsjávarkórala á heimsvísu tók nýlega gildi og eru tegundirnar skráðar á heimasíðu Red List IUCN. Skráningin byggir á válistaflokkun kaldsjávarkórala og námskeiði í greiningum kaldsjávarkórala sem fram fór fyrir rúmum tveimur árum í Þekkingasetrinu í Sandgerði.

Sameiginleg frétt Matvælastofnunar, Fiskistofu og Hafrannsóknastofnunar um stöðu upprunagreininga laxa sem veiðst hafa: Alls hafa 23 laxar borist til Hafrannsóknastofnunar til rannsóknar og erfðagreiningar en að auki hafa 11 laxar verið sendir til erfðagreiningar en ekki verið skilað til Hafrannsóknastofnunar.

Hafrannsóknastofnun leggur til, í samræmi við varúðarsjónarmið, að rækjuveiðar verði ekki heimilaðar í Arnarfirði né Ísafjarðardjúpi fiskveiðiárið 2024/2025. Forsendur ráðgjafar má finna hér.

Áhöfnin á Hrafni Sveinbjarnarsyni veiddi nýlega mjög stóra rækju djúpt suðaustur af landinu. Fundurinn þykir óvenjulegur þar sem um er að ræða skarlatsrækju (Aristaeopsis edwardsiana), tegund sem er sjaldséð við strendur Íslands og hefur aðeins fundist hér örfáum sinnum áður.

Ragnar Berg 5 ára, Stirnir 7 ára og Þorbjörg Tinna 9 ára voru á meðal ríflega 200 þátttakenda í getraunaleik Hafrannsóknastofnunar á Vísindavöku sem haldin var í lok september sl. Getraunin gekk út á að skoða rauðátur í vatni og velta fyrir sér hve margar þær voru. Til samanburðar var hægt að skoða aðra krukku með 10 örsmáum rauðátum.

Eggert Benedikt Guðmundsson hefur tímabundið verið settur í embætti forstjóra Hafrannsóknastofnunar en Þorsteinn Sigurðsson, fráfarandi  forstjóri stofnunarinnar hefur óskað eftir leyfi út sinn skipunartíma sem er til marsloka næsta árs.

Í málstofu Hafrannsóknastofnunar, sem haldin verður 9. október nk. kl. 10.30 fjallar Lars Henrik Smedsrud, prófessor við háskólann í Bergen um hita- og seltuhringrásina í Norður-Atlantshafi. Erindi hans heitir: Eru vísbendingar um að hita- og seltuhringrásin í Norður-Atlantshafi sé að veikjast?

Í dag, 30. september 2025, veittir Alþjóðahafrannsóknaráðið (ICES) ráðgjöf um veiðar á norsk-íslenskri síld, makríl og kolmunna fyrir árið 2026 (ices.dk). Helstu niðurstöður eru tíundaðar hér.