New York Times birti nýlega grein um leiðangur á rannsóknaskipinu Þórunni Þórðardóttur og breytingar veltihringrásarinnar í Atlantshafinu.

Hafrannsóknastofnun tekur þátt í alþjóðlegu verkefni um þörungaeitur í fæðukeðju sjávar á norðurslóðum á tímum loftslagsbreytinga (Marine phycotoxins in the Arctic: an emerging climate change risk, vinnuheitið er PHATE). 

Hafrannsóknastofnun kvaddi nýlega starfsmenn sem látið hafa af störfum á síðustu mánuðum.

Síðustu erfðasýnatökur ársins úr laxseiðum hafa verið í gangi sl daga og vikur á vegum Hafrannsóknastofnunar.

Skarkoli (Pleuronectes platessa) er mikilvægur nytjafiskur á Íslandi en þó er lítið sem ekkert vitað um fæðuval hans fyrsta sumarið. Rannsókn sýnir fram á að fæðusamsetning ungviðisins breyttist þegar leið á sumarið og eftir stærð seiðanna. Burstaormar voru algengasti fæðuhópurinn allt sýnatökutímabilið, en botnlægar krabbaflær voru ríkjandi í júlí.

Niðurstöður rannsókna um áhrif hvalaúrgangs skíðishvala á frumframleiðni voru nýlega birtar og sýna fram á að hvalir hafa almennt séð frekar takmörkuð áhrif á frumframleiðni í höfunum í kringum Ísland.

Síðustu mánuði hefur starfsfólk Hafrannsóknastofnunar verið á ferð á Norður og Norðausturlandi í rannsóknaleiðöngrum í tengslum við Icewater verkefnið. Á árinu hefur verið farið í fjögur straumvötn og fjögur stöðuvötn fyrir ýmiskonar sýnatökur og mælingar.

Ástin fiskanna er köld eins og sjálfir þeir; hún er ekkert annað en stundarþörf einstaklingsins. .. Þeir verða að gjöra sig ánægða með að frjóvga þau egg, sem þeir þekkja ekki móðurina að og sjá aldrei ungana úr.

Tvær nýjar vísindagreinar unnar undir forystu Háskóla Íslands í samstarfi við Hafrannsóknastofnun leiða í ljós flókna stofnagerð kolmunna í Norðaustur-Atlantshafi. Stofninn er blanda af mörgum undirstofnum, sumir svæðisbundnir og aðrir víðförlir. Þetta hefur afleiðingar fyrir fiskveiðstjórnun og gæti verið mikilvægt fyrir afkomu tegundarinnar á tímum loftlagsbreytinga.

Svartserkur er ný framandi tegund í fjörum hér við land en tegundarinnar varð fyrst vart árið 2020. Þá fundust eggjasekkir í fjöru, en snigillin sjálfur fannst í Breiðafirði árið 2023. Nú hefur tegundarinnar orðið vart við Noregsstrendur og því ljóst að hún er að dreifa sér um Norður Atlantshafið.