Gildi og framtíðarsýn

Gildi Hafrannsóknastofnunar

• Þekking 

  Þekking á vistkerfum hafs og vatna er forsenda sjálfbærrar nýtingar auðlinda landsins. Við byggjum starf okkar á langtímasýn og metnaðarfullum rannsóknum á fagsviðum Hafrannsóknastofnunar.

• Samvinna

  Árangur stofnunarinnar byggist á samvinnu, innan stofnunar sem utan. Við berum sameiginlega ábyrgð, komum fram hvert við annað af virðingu og göngum að hverju verki með jákvæðu hugarfari.

• Þor

  Við erum framsækin, beitum nýjustu þekkingu og tækni og höfum metnað til að standa í fararbroddi í verkefnum okkar. Við höfum hugrekki til að segja hlutina eins og þeir eru og drögum ekkert undan.

Framtíðarsýn Hafrannsóknastofnunar

Hafrannsóknastofnun verði í fremstu röð í 

• haf- og ferskvatnsrannsóknum í lögsögu Íslands og á norðurslóðum
• nýtingarráðgjöf nytjastofna með vistkerfisnálgun að leiðarljósi
• vöktun vistkerfa í hafi og ferskvatni
• rannsóknum og þróun í fiskeldi í sátt við náttúru

Hafrannsóknastofnun verði eftirsóknarverður vinnustaður með

• framsækinni mannauðsstefnu sem stuðlar að samkeppnishæfni stofnunarinnar
• markvissri jafnréttisstefnu
• aðstæðum þar sem árangursríkt starf og faglegur metnaður gefur dafnað
• aukinni nýliðun starfsmanna og spennandi tækifærum fyrir nemendur

Hafrannsóknastofnun verði eftirsóttur samstarfsaðili með því að

• miðla þekkingu til vísindasamfélagsins og almennings
• hafa á að skipa öflugri stoðþjónustu og besta fáanlega tækjabúnaði
• vera virk á alþjóðavettvangi