Kortlagning hafsbotnsins

Árið 2000 réðst stofnunin í viðamikla kortlagningu hafsbotnsins með tilkomu hafrannsóknaskipsins Árna Friðrikssonar RE 200. Skipið er búið fjölgeisladýptarmæli sem sérstaklega er ætlað til þess verkefnis. Vorið 2017 voru tækin endurnýjuð og sett í skipið nýr fjölgeisladýptarmælir (e. multibeam echosounder, Kongsberg EM 302, 30 kHz, 1°x2°) og jarðlagamælir/setþykktarmælir (e. subbottom profiler, TOPAS PS18).

Frá árinu 2017 er kortlagning hafsbotns átaksverkefni stofnunarinnar til næstu 12 ára. Markmið verkefnisins er að afla þekkingar um hafsbotninn innan efnahagslögsögu Íslands sem mun nýtast í margháttuðum tilgangi og er forsenda fyrir vísindalegri nálgun við nýtingu, vernd og rannsóknir auðlinda í hafinu, á, í og undir hafsbotni. Hingað til hefur þekkingin nýst við rannsóknir á lífríki hafsins, eðliseiginleikum sjávar og jarðfræði hafsbotns. Kortlagning veiðislóða og viðkvæmra búsvæða (s.s. kórala) hefur gegnt veigamiklu hlutverki.

Hafrannsóknastofnun veitir almennan aðgang að fjölgeislamæligögnum um kortlagningu hafsbotnsins á eftirtöldum svæðum:

Heimilt er að birta fjölgeislagögn eða -kort sem fengin eru af þessari vefsíðu sé uppruna þeirra getið.

Á myndinni má sjá þau svæði sem hafa verið kortlögð með fjölgeislamælingum á vegum stofnunarinnar á árunum 2000-2017.

Kortlagning við Ísland

 

Fannst þér efnið á síðunni hjálplegt?