Hesteyrarfjörður

kort af Hesteyrarfirði

Hnit - 66°20,1'N 22°50,8W
Flatarmál - 9,2 km2
Meðaldýpi - 35-40 m
Mesta dýpi - 41 m

Hesteyrarfjörður er vestastur Jökulfjarða og gengur til norðurs úr þeim. Hann er breiðastur í mynni fjarðarins um 2,6 km og er svipaður að breidd inn undir Seleyri en mjókkar mikið þar fyrir innan og í botn. Hann er um 7,8 km á lengd en flatarmál er um 9 km2. Allmargar eyrar finnast í firðinum. Opinberar dýpistölur eru ekki fyrirliggjandi. Dýpi í fjarðarmynni er um 40 metrar og er svipað dýpi inn eftir firðinum nema rétt innst. Vestan megin í firðinum er allstórt svæði mjög grunnt en austan megin grynnkar mjög hratt að landi.

Fannst þér efnið á síðunni hjálplegt?