Sjávarútvegsskóli Háskóla Sameinuðu þjóðanna

Sjávarútvegsskóli Háskóla Sameinuðu þjóðanna var stofnaður árið 1998 á grundvelli þríhliða samkomulags milli Háskóla Sameinuðu þjóðanna, utanríkisráðuneytisins og Hafrannsóknastofnunar.

Skólinn er rekinn í nánu samstarfi fræða- og menntasamfélagsins, stjórnvalda og atvinnulífs. Meðal samstarfsaðila á Íslandi má nefna Matís, Háskóla Íslands, Háskólann á Akureyri og Háskólans á Hólum. Daglegur rekstur er í höndum fimm starfsmanna.

Meginviðfangsefni skólans er að byggja upp færni og þekkingu meðal sérfræðinga á sviði sjávarútvegs og fiskeldis í þróunarlöndum og innan þeirra stofnana og samtaka er þeir vinna í.

Sex mánaða nám á Íslandi

Umfangsmesti þátturinn í starfsemi Sjávarútvegsskólans er sex mánaða námið, en það er haldið á hverjum vetri fyrir sérfræðinga á sviði sjávarútvegs og fiskeldis í þróunarlöndum. Í náminu eru sérfræðingarnir efldir faglega og búnir undir að hafa áhrif í því starfsumhverfi er þeir koma frá.

nemendur við Sjávarútvegsskólann í vettvangsferð haustið 2017

Verkefni í samstarfslöndum

Sjávarútvegsskólinn veitir stofnunum og samtökum á sviði sjávarútvegs og fiskeldis í þróunarlöndum margvíslega aðstoð og þjónustu. Um getur verið að ræða tæknilega ráðgjöf, hönnun námskeiða, þátttöku í rannsóknaverkefnum o.s.frv.   

Stutt við fyrrum nemendur

Sjávarútvegsskólinn hefur til nokkurra ára styrkt fyrrum nemendur í sexmánaðanáminu til þátttöku í alþjóðlegum ráðstefnum. Ber þar hæst samstarf við International Institute for Fisheries Economics and Trade (IIFET) og World Seafood Congress (WSC) sem halda ráðstefnur annað hvort ár.

Þá býður skólinn þeim sem lokið hafa sex mánaða náminu að sækja um styrk til meistara- eða doktorsnáms við íslenska háskóla, en með því skilyrði að hluti rannsóknavinnu vegna lokaverkefna fari fram í heimalöndum.

Starfsfólk
Nafn Starfsheiti Netfang
Julie Ingham Skrifstofustjóri
Mary Frances Davidson Aðstoðarforstöðumaður
Mary Frances Davidson
Aðstoðarforstöðumaður
Stefán Úlfarsson Verkefnisstjóri

Starfssvið: verkefnastjóri

Menntun: MSc í hagfræði frá School of Oriental and African Studies, London 2001
MSc í sjávarútvegsfræðum frá Háskóla Íslands 1999
BA í stjórnmálafræði frá Háskóla Íslands 1995

Tumi Tómasson Sérfræðingur
Þór Heiðar Ásgeirsson Forstöðumaður
Þór Heiðar Ásgeirsson
Forstöðumaður
Beata Wawiernia skrifstofustjóri (afleysing)
Beata Wawiernia
skrifstofustjóri (afleysing)
Fannst þér efnið á síðunni hjálplegt?