Fréttir af Loðnu

Uppfærð veiðiráðgjöf Hafrannsóknastofnunar og Náttúrustofnunar Grænlands (GINR) fyrir komandi loðnuvertíð er upp á ríflega 105 þúsund tonn. Ráðgjöfin byggir á niðurstöðum bergmálsmælinga á loðnustofninum í september síðast liðnum sem reyndust töluvert undir væntingum.

Hafrannsóknastofnun hefur lokið við úrvinnslu niðurstaðna loðnumælinga og leggur stofnunin til að afli fiskveiðiárið 2025/2026 verði ekki meiri en 197 474 tonn.

Rannsóknaskipið Árni Friðriksson hefur verið við könnun á loðnugöngum austur og norður af landinu. Helstu niðurstöður eru þær að loðnan er tiltölulega skammt á veg komin í hrygningargöngunni austur fyrir land, en fremsti hlutinn var norðaustur af Langanesi og var magnið þar óverulegt

Hafrannsóknastofnun átti fyrir nokkru frumkvæði að útgáfu sérrits um loðnurannsóknir í alþjóðlega vísindatímaritinu „Reviews in Fish Biology and Fisheries“.

Nýlega birtist grein í Marine Biology sem ber heitið Útbreiðsla hvala og loðnu í tíma og rúmi á Austur-Grænlandsgrunninum að hausti.

Meira magn af loðnu mældist fyrir norðvestan land nú í febrúar en í janúar mælingum Hafrannsóknastofnunari. Það er meginástæðan fyrir uppfærðri ráðgjöf upp á 8589 tonn.

Vísindamenn hjá Hafrannsóknastofnun hafa í fyrsta sinn ræktað loðnu frá klaki til fullorðinsára á rannsóknarstöð. Með öflugum fiskeldisaðferðum sýndi loðnan ótrúlega stöðugan vöxt og náði þroska strax einu ári eftir klak.

Önnur yfirferð loðnumælinga á árinu er nú langt komin með þátttöku þriggja uppsjávarveiðiskipa. Þótt yfirferðinni sé ekki lokið vill Hafrannsóknastofnun upplýsa strax að mjög lítið hefur mælst af loðnu það sem af er þessari febrúar mælingu. Gert er ráð fyrir frekari vöktun og yfirferð að þessum mælingum loknum en fyrirkomulag þeirra skýrist seinna í vikunni.

Skýrsla um afrakstur átaksverkefnis um loðnurannsóknir 2018-2022 hefur nú verið birt bæði á íslensku og ensku.

Rannsóknaskipin Árni Friðriksson og Bjarni Sæmundsson héldu til loðnumælinga laugardaginn 9. desember. Mælingar leiðangursins hafa leitt í ljós að áfram verður ráðgjöf um engar veiðar.