Skipin

Hafrannsóknastofnun á og rekur tvö sérútbúin rannsóknaskip, Árna Friðriksson HF 200 og Bjarna Sæmundsson HF 30. 

Leiðangrar skipanna beinast meðal annars að margvíslegum vistfræðiathugunum, stofnmælingum, kortlagningu hafsbotnsins, fiskmerkingum, veiðarfærarannsóknum.

  • Árni Friðriksson

    rannsóknaskipið Árni Friðriksson RE 200

    Rannsóknaskipið Árni Friðriksson HF 200 var smíðað í Asmar skipasmíðistöðinni í Chile og afhent Hafrannsóknastofnun árið 2000. Skipið er 70 metra langt og 14 metra breytt. Vélarnar eru fjórar, 1000 kw hver. Meðalganghraði er um 13 sjómílur, en hámarksganghraði um 16 sjómílur.

    Skipið er sérsmíðað til hafrannsókna og er meðal annars búið fjölgeisladýptarmæli og jarðlagamæli til kortlagningar sjávarbotnsins, sem endurnýjaðir voru vorið 2017. Einnig er í skipinu búnaður til samburðarrannsókna á veiðarfærum. Skipið  er einstaklega hljóðlátt og búið fullkomnustu tækni til bergmálsmælinga sem völ er á.

    Í skipinu eru aðstaða fyrir 33, þar af 18 manna áhöfn og 15 vísinda- og rannsóknarmenn.

      • Skipaskrárnúmer: 2350
      • Kallmerki: TFNA
      • Sími: - Brú 851 2600. Vísindamenn 851 2601. Áhöfn 851 2602. Vélarrúm 851 2603.

  • Bjarni Sæmundsson

    rannsóknaskipið Bjarni Sæmundsson RE 30

    Rannsóknaskipið Bjarni Sæmundsson HF 30 var smíðað í Þýskalandi árið 1970 og afhent Hafrannsóknastofnun í desember sama ár.

    Skipið er 56 metra langt og 10,6 metra breitt, dýpt að efra þilfari er 7,0 metrar. Í skipinu eru þrjár vélar, 410 kw. hver. Ef keyrt er á öllum vélum er ganghraði skipsins um 12 sjómílur.

    Á skipinu er 14 manna áhöfn og auk þess er aðstaða fyrir 13 vísinda- og rannsóknarmenn.

    • Skipaskrárnúmer: 1131
    • Kallmerki: TFEA
    • Sími - Brú 851 2620. Áhöfn lína 1. 851 2621. Áhöfn lína 2. 851 2622. Vélarrúm 851 2623. Brú GSM 892 3921. Brú 3G 853 6847. Vélarrúm GSM 831 1618.
Fannst þér efnið á síðunni hjálplegt?