Merkingar á makríl

Frá árinu 2015 hefur Hafrannsóknastofnun merkt makríl á handfærabátum frá Ólafsvík í ágúst og er fjöldi merktra fiska við Ísland nú orðinn tæplega 10 þúsund.

Merkingarnar fara fram í samstarfi við Norðmenn sem merkja árlega nokkra tugi þúsunda við Írland í maí. Merkingar við Ísland hafa gefið upplýsingar um far makríls austur yfir Atlantshaf á haustin.

Makríllinn er merktur með rafaldskennimerkjum (RFID, „radio-frequency identification“) sem skynjarar í fiskvinnslum víða um N-Atlantshaf nema þegar merktir fiskar eru í lönduðum afla. Slíkir skynjarar eru nú til staðar í fjórum verksmiðjum og þeir settir upp í samstarfi við útgerðir veiðiskipa

Niðurstöður merkinganna eru notaðar í stofnmati makríls.

Fannst þér efnið á síðunni hjálplegt?