Á dögunum var farið í ádráttarveiði í Staðará í Steingrímsfirði og þar veiddust 23 hnúðlaxar neðarlega í ánni. Aflinn var sendur til Hafrannsóknastofnunar til rannsókna.

Í Fiskifréttum birtist í dag grein eftir Söru Harðardóttur, sérfræðing hjá Hafrannsóknastofnun og Stefaníu Ingvarsdóttur, MPA nema í opinberri stjórnsýslu í HÍ um kræklingarækt á Íslandi. Þar kemur m.a. fram að íslensk stjórnvöld hafa í tvígang samþykkt lagasetningar sem ganga gegn hagsmunum kræklingaræktar með því að fela í sér svo þungt regluverk að ljóst hefði mátt vera að greinin gæti ekki þrifist.

Fyrr í sumar birtist á vef Fiskifrétta grein eftir starfsmenn Hafrannsóknastofnunar um þróun þorskveiða við Ísland og hjá öðrum þjóðum. Fjallað var um hvernig veiðar á þorski hafa gengið og þróast hjá okkur og nágrannaþjóðum í Norður Atlantshafi.

Hafrannsóknastofnun leitar að metnaðarfullum einstakling í tímabundna sérfræðistöðu. Starfið felur í sér þátttöku í fjölbreyttum rannsóknum á áhrifum súrnunar sjávar og loftslagsbreytinga á lífríki hafsins og vistkerfi þess.

Ný alþjóðleg vísindagrein varpar nýju ljósi á lífssögu hákarls og bendir m.a. á mögulegar gotstöðvar suðvestur af Íslandi. Hákarl finnst víða í norðanverðu Atlantshafi og er talin vera ein langlífasta hryggdýrategund í heimi.

Þéttleiki makríls við landið var sá minnsti sem mælst hefur skv. bráðabirgðaniðurstöðum alþjóðlegs uppsjávarvistkerfisleiðangurs í Norðurhöfum að sumarlagi.

Árlegur rannsókna- og vöktunarleiðangur Náttúrufræðistofnunar til Surtseyjar fór nýlega fram. Í leiðangrinum tóku þátt sérfræðingar frá Náttúrufræðistofnun, Hafrannsóknastofnun, og fleiri.

Ný síða um sjávarhita hefur verið sett út á vef Hafrannsóknastofnunar. Síðan inniheldur nýja framsetningu á gögnum úr síritum sem mæla hitastig sjávar í höfnum á ýmsum stöðum á landinu. Markmiðið var að gera síðuna aðgengilegri fyrir almenna notandur og sýna gögn úr virkum mælum á skýrari hátt.

Út er komin samantektarskýrsla um vöktun Hafrannsóknastofnunar 2024 á áhrifum sjókvíaeldis á villta laxastofna á Íslandi. Vöktunina má skipta niður í nokkra þætti; vöktun með fiskteljurum, greiningu og rakningu meintra strokulaxa úr eldi, greining á lífssögu strokulaxa með hreisturrannsóknum og rannsóknir á erfðablöndun.

Undanfarna daga hefur farið að bera á göngum hnúðlaxa upp í ár hér á landi. Þeir eru þegar farnir að veiðast, en einnig hefur orðið vart við þá í fiskteljurum með myndavélum. Hnúðlaxar hafa veiðst í ám í öllum landshlutum, en flestir í ám á Austurlandi. Búist er við allnokkrum göngum hnúðlaxa í ár í sumar.