Fréttir & tilkynningar

Af og til síðustu áratugi hafa birst staðhæfingar í miðlum um að Hafrannsóknastofnun hafi spáð eða lofað að jafnstöðuafli í þorski, ef fylgt væri aflareglu yrði 350 þúsund tonn. Þessar tölur eru því miður fjarri öllu nútímamati á jafnstöðuafla þorskstofnsins við Ísland en hér er í stuttu máli farið yfir sögu aflaregluvinnu varðandi þorsk.

Í nýjustu grein Náttúrufræðingsins segja starfsmenn Hafrannsóknastofnunar ásamt fleirum frá mjög athyglisverðum fyrsta fundi sæsnigilsins svartserks (Melanochlamys diomedea) í Atlantshafi. Sagt er frá ferlinu frá því að hann sást fyrst í fjöru við Ísland þar til staðfest tegundagreining fékkst.

Sameiginleg frétt Matvælastofnunar, Fiskistofu og Hafrannsóknastofnunar um stöðu upprunagreininga laxa sem veiðst hafa.

Nýlega birtist í tímaritinu Scientific Reports greinin: How different life-history strategies respond to changing environments: a multi-decadal study of groundfish communities. Greinin byggir á árlegum rannsóknum frá árinu 1987 og fjallar um það hvernig ólíkir hópar botnfiska á landgrunninu hafa brugðist við breytingum á ástandi sjávar.

Ný rannsókn, sem birtist í Journal of the Marine Biological Association of the United Kingdom, varpar ljósi á hvaða fiskar nýta klóþangsfjörur og um hugsanleg áhrif þangtekju á þá.

Haustmæling Hafrannsóknastofnunar og Náttúruauðlindastofnunar Grænlands á loðnustofninum munu standa yfir frá 23. ágúst til 22. september.

Matvælastofnun, Fiskistofa og Hafrannsóknastofnun hafa unnið saman að rannsóknum og veiði á meintum eldislöxum í nokkrum ám undanfarna daga.

Niðurstöður meistararannsóknar um áhrif sjókvíaeldis á tvo hópa lífvera, götunga og skelkrabba sýndu að tegundafjölbreytileiki tegundanna minnkaði með aukinni nálægð við eldiskvíar og á sama tíma fækkaði einnig einstaklingum af hópi götunga.

Á dögunum var farið í ádráttarveiði í Staðará í Steingrímsfirði og þar veiddust 23 hnúðlaxar neðarlega í ánni. Aflinn var sendur til Hafrannsóknastofnunar til rannsókna.

Í Fiskifréttum birtist í dag grein eftir Söru Harðardóttur, sérfræðing hjá Hafrannsóknastofnun og Stefaníu Ingvarsdóttur, MPA nema í opinberri stjórnsýslu í HÍ um kræklingarækt á Íslandi. Þar kemur m.a. fram að íslensk stjórnvöld hafa í tvígang samþykkt lagasetningar sem ganga gegn hagsmunum kræklingaræktar með því að fela í sér svo þungt regluverk að ljóst hefði mátt vera að greinin gæti ekki þrifist.