Fréttir & tilkynningar

Rannsóknaskipið Árni Friðriksson hélt úr höfn 30. júní til þátttöku í árlegum alþjóðlegum uppsjávarrannsóknaleiðangri. Eitt af meginmarkmiðum hans er að meta magn og útbreiðslu makríls, kolmunna og norsk-íslenskrar síldar í norðaustur Atlantshafi að sumarlagi.

Sl. vetur var blað brotið varðandi framgang kvenna hjá Hafrannsóknastofnun þegar kona tók við stöðu yfirvélstjóra á Bjarna Sæmundssyni en Gyða María Norðfjörð Símonardóttir vélstjóri tók tímabundið við stöðu yfirvélstjóra í fyrsta sinn og uppskar blómvönd fyrir vikið enda söguleg tímamót.

Árlegur vorleiðangur Hafrannsóknastofnunar stóð yfir 13. - 26. maí síðastliðinn. Leiðangurinn er hluti af langtímavöktun á ástandi sjávar (hiti og selta) og rannsóknum á næringarefnum, ólífrænu kolefni, plöntusvifi og dýrasvifi við Ísland.

Mikil vitundarvakning hefur verið á málaflokki um vernd í hafi, meðal annars vegna frumsýningar á nýrri mynd með Sir David Attenborough, Ocean. Þar er meðal annars fjallað um nauðsyn verndarsvæða og áhrif af botnvörpuveiðum.

Í dag kynnir Hafrannsóknastofnun úttekt á ástandi nytjastofna og ráðgjöf fyrir næsta fiskveiðiár. Aflamark fyrir á þriðja tug stofna er lagt til á grundvelli langtímamarkmiða um sjálfbæra nýtingu. Ráðgjöfina í heild sinni má nálgast á vef Hafrannsóknastofnunar undir Ráðgjöf.

Hrognkelsi hrygnir við strendur Íslands og annarra Norðurlanda og ungviði þeirra halda til hafs eftir því sem það vex, en hvert fara þau? Í nýrri vísindagrein frá vísindamönnum á Íslandi, Grænlandi, Færeyjum, Danmörku og Noregi, er útbreiðsla hrognkelsa rannsökuð út frá gögnum frá alþjóðlega vistkerfisleiðangrinum í Norðurhöfum að sumarlagi.

Hafrannsóknastofnun kynnir úttekt á ástandi helstu nytjastofna og ráðgjöf fyrir komandi fiskveiðiár föstudaginn 6. júní 2025 kl. 9.00. Kynningin fer fram í höfuðstöðvum stofnunarinnar að Fornubúðum 5, Hafnarfirði en verður einnig streymt á Teams.

Nýlega útskrifuðust 23 sérfræðingar frá Sjávarútvegsskóla GRÓ. Hópurinn hefur dvalið á Íslandi við nám síðustu sex mánuði í boði íslenskra stjórnvalda sem hluti af alþjóðlegri þróunarsamvinnu Íslands.

Næstkomandi mánudag, þann 26. maí verður haldin síðasta málstofa vorannar 2025 þegar Áki Jarl Lárusson flytur erindið: Stöðvarkóngur (Buccinum superangulare) - ráðgátan leyst með erfðafræði?

Í dag fögnuðu rannsóknarmenn og áhöfn um borð í nýju rannsóknaskipi Hafrannsóknastofnunar, Þórunni Þórðardóttur, í tilefni þess að 100 ár eru liðin frá fæðingu Þórunnar heitinnar Þórðardóttur, sem skipið ber nafn sitt af.