Fréttir & tilkynningar

Hafrannsóknastofnun leggur til, í samræmi við varúðarsjónarmið, að afli rækju í Arnarfirði fiskveiðiárið 2024/2025 verði ekki meira en 169 tonn og að rækjuveiðar verði ekki heimilaðar í Ísafjarðardjúpi.

Hafrannsóknastofnun leitar eftir metnaðarfullum, öflugum og traustum aðila til að hafa yfirumsjón með rekstri eigna stofnunarinnar. Megin verkefnið er rekstur rannsóknaskipa.

Sumarleyfi tveggja starfsmanna Hafrannsóknastofnunar tók óvænta stefnu þann sl. sumar þegar þeir urðu vitni að mjög sérstöku atferli grindhvala (Globicephala melas melas). Starfsmennirnir voru í kayakferð í innanverðum Breiðafirði, fram af mynni Álftafjarðar, þegar hópur grindhvala kom syndandi að þeim.

Í dag, 30. september 2024, veitti Alþjóðahafrannsóknaráðið (ICES) ráð um veiðar á norsk-íslenskri síld, makríl og kolmunna fyrir árið 2025 og fyrir efri og neðri úthafskarfa fyrir 2025, 2026 og 2027. Helstu niðurstöður eru tíundaðar hér að neðan.

Undanfarnar vikur hefur Hafrannsóknastofnun gert tilraunir til að merkja hrefnur inni á Eyjafirði með merkjum sem eru afrakstur þróunarvinnu innan vébanda Norður Atlantshafs Sjávarspendýraráðsins, NAMMCO.

Hafrannsóknastofnun leitar að tveimur öflugum sérfræðingum til að sinna þróun og viðhaldi á haffræðilíkönum stofnunarinnar og til þess að taka þátt í þverfaglegu starfi sem miðar að því að auka þekkingu á umhverfi og vistkerfum sjávar.

Vísindamenn frá Hafrannsóknastofnun, í samstarfi við Tækniháskólann í Danmörku, birtu nýlega grein í Fisheries Oceanography þar sem breytingar á útbreiðslu loðnu í kjölfar loftlagsbreytinga var rannsökuð. Í greininni kemur fram að miklar breytingar hafi orðið á dreifingu og farleiðum loðnu.

Ný skýrsla sem kom út á dögunum á vegum Hafrannsóknastofnunar sýnir að hin síðari ár hafa ekki miklar breytingar á lífríki Tjarnarinnar en sé horft á stöðuna frá árinu 2007 hefur orðið gjörbreyting.

Þann 30. ágúst sl. lauk leiðangri á Bjarna Sæmundsyni þar sem rannsakað var ástand sjávars, sæbjúgna og sandsílis. Í ár mældist mesti þéttleiki sandsíla frá upphafi. Í leiðangrinum voru tekinn sýni með sandsílaplóg á þremur svæðum, Faxaflóa, Vestmannaeyjar að Vík í Mýrdal og Ingólfshöfða.

Niðurstöður liggja fyrir frá sameiginlegum uppsjávarleiðangri Íslendinga, Færeyinga, Norðmanna og Dana sem farinn var á tímabilinu 28. júní til 2. ágúst 2024.