Þéttleiki makríls við landið var sá minnsti sem mælst hefur skv. bráðabirgðaniðurstöðum alþjóðlegs uppsjávarvistkerfisleiðangurs í Norðurhöfum að sumarlagi.

Árlegur rannsókna- og vöktunarleiðangur Náttúrufræðistofnunar til Surtseyjar fór nýlega fram. Í leiðangrinum tóku þátt sérfræðingar frá Náttúrufræðistofnun, Hafrannsóknastofnun, og fleiri.

Ný síða um sjávarhita hefur verið sett út á vef Hafrannsóknastofnunar. Síðan inniheldur nýja framsetningu á gögnum úr síritum sem mæla hitastig sjávar í höfnum á ýmsum stöðum á landinu. Markmiðið var að gera síðuna aðgengilegri fyrir almenna notandur og sýna gögn úr virkum mælum á skýrari hátt.

Út er komin samantektarskýrsla um vöktun Hafrannsóknastofnunar 2024 á áhrifum sjókvíaeldis á villta laxastofna á Íslandi. Vöktunina má skipta niður í nokkra þætti; vöktun með fiskteljurum, greiningu og rakningu meintra strokulaxa úr eldi, greining á lífssögu strokulaxa með hreisturrannsóknum og rannsóknir á erfðablöndun.

Undanfarna daga hefur farið að bera á göngum hnúðlaxa upp í ár hér á landi. Þeir eru þegar farnir að veiðast, en einnig hefur orðið vart við þá í fiskteljurum með myndavélum. Hnúðlaxar hafa veiðst í ám í öllum landshlutum, en flestir í ám á Austurlandi. Búist er við allnokkrum göngum hnúðlaxa í ár í sumar.

Hafrannsóknastofnun auglýsir tímabundið starf sérfræðings í rannsóknum og þróun á veiðarfæratækni sem stuðlar að bættri kjörhæfni, minni áhrifum á hafsbotninn og lækkun kolefnisspors. Starfið er hluti af Marine Guardian verkefninu sem styrkt er af Horizon áætlun Evrópusambandsins.

Starfsfólk Hafrannsóknastofunar á Hvanneyri , hefur ásamt samstarfsaðilum skoðað möguleikann á endurheimt votlendis a Mýrunum með áherslu á fiska.

Starfsmenn Hafrannsóknastofnunar fóru á dögunum í leiðangur um norður og norðausturland til að safna sýnum í ám og vötnum til rannsókna á líffræðilegum gæðaþáttum, smádýrum og þörungum. Þessir þættir eru notaðir til að meta vistfræðilegt ástand í ám og vötnum á svæðinu í samræmi við vatnaáætlun Íslands 2022–2027.

Rannsóknaskipið Árni Friðriksson hélt úr höfn 30. júní til þátttöku í árlegum alþjóðlegum uppsjávarrannsóknaleiðangri. Eitt af meginmarkmiðum hans er að meta magn og útbreiðslu makríls, kolmunna og norsk-íslenskrar síldar í norðaustur Atlantshafi að sumarlagi.

Sl. vetur var blað brotið varðandi framgang kvenna hjá Hafrannsóknastofnun þegar kona tók við stöðu yfirvélstjóra á Bjarna Sæmundssyni en Gyða María Norðfjörð Símonardóttir vélstjóri tók tímabundið við stöðu yfirvélstjóra í fyrsta sinn og uppskar blómvönd fyrir vikið enda söguleg tímamót.