6% aukning á ráðlögðum grásleppuafla

Hjónin rauðmagi (t.v.) og grásleppa (t.h.). Það er einkum grásleppan sem er veidd vegna verðmæti hrognanna. Það sem margir vita ekki er að rauðmaginn undirbýr hrygningasvæðið áður en grásleppan mætir til að hrygna. Hann sér svo alfarið um hrognin, vaktar þau og rekur burt óvinina eftir getu, eftir að grásleppan er stungin af.
Mynd: Svanhildur Egilsdóttir.

Hafrannsóknastofnun ráðleggur að veiðar á grásleppu fiskveiðiárið 2025/2026 verði ekki meiri en 2932 tonn sem er um 6% hækkun frá síðasta fiskveiðiári. Ráðgjöfin byggir að mestu á stofnvísitölu úr stofnmælingu botnfiska í mars 2026 en einnig frá árinu á undan.

Vísitala þessa árs var hærri en á síðasta ári en lág í sögulegu samhengi og vel undir langtíma meðaltali. Vísitala síðasta árs var sú næst lægsta síðan að mælingar hófust 1985.

Stofnvísitölur hrognkelsa sveiflast milli ára, sem endurspeglar að hluta til óvissu í mælingunum. Vegna þessa vegur stofnvísitala sama árs 70% á móti 30% vægi vísitölu fyrra árs við útreikning ráðlagðs hámarksafla. Því leggur Hafrannsóknastofnun til að upphafsaflamark fiskveiðiárið 2026/2027 verði 973 tonn.

Hér má sjá ráðgjafarskjal og tækniskýrslu vegna grásleppuafla (hrognkelsi).