Ljósáta í Ísafjarðardjúpi – nýtanleg auðlind? / Euphausiids in Ísafjarðardjúp - a harvestable resource? HV 2021-52

Gerð er grein fyrir niðurstöðum rannsókna sem fram fóru frá ágúst 2011 til ágúst 2012 í Ísafjarðardjúpi með það að markmiði að afla upplýsinga um útbreiðslu og magn ljósátu í Djúpinu á mismunandi árstímum, ásamt því að gera veiðarfæratilraunir með nýtingarsjónarmið í huga. Farnir voru fimm leiðangrar þar sem beitt var bergmálsaðferð við magnmælingar með samanburði við upplýsingar frá háfum og svifsjá. Einnig voru gerðar veiðitilraunir með sérhönnuðu ljósátutrolli.