mjóni (íslenska)

Blálanga

Samheiti á íslensku:
mjólanga, mjóni
Blálanga
Blálanga
Tungumál Samheiti
Fræðiheiti: Molva dypterygia
Danska: byrkelange
Færeyska: blálonga
Norska: bjørkelonge, blålange, blålong
Enska: blue ling
Þýska: Blauleng
Franska: lingue bleue
Spænska: maruca azul
Portúgalska: donzela-azul, lingue-azul, maruca-azul
Rússneska: Голубая мольва / Golubája mól'va

Blálanga getur orðið um 155 cm löng.

Heimkynni blálöngu í Norður-Atlantshafi eru hin dýpri svæði landgrunnsins frá Norður-Noregi og við Svalbarða suður í Skagerak, í norðanverðum Norðursjó, fyrir norðan og vestan Bretlandseyjar suður í Biskajaflóa og til Spánar og Portúgals suður til Marokkó og inn í Miðjarðarhaf. Einnig er hún við Færeyjar og Ísland.

Við Ísland er blálanga allt í kring um landið en hún er þó mun algengari á svæðinu frá Suðausturlandi vestur og norður til Víkurálssvæðisins en undan Norður-, og Austurlandi.

Blálanga er botnfiskur sem veiðst hefur á 130-1500 m dýpi og helst yfir mjúkum botni. Hún er sjaldan á minna dýpi en 200 m og mest er um hana á 300-800 m dýpi.

Fæða er einkum ýmsir fiskar eins og karfi, bláriddari, keila, laxsíldir ofl. en auk þess ýmis konar krabbadýr, slöngustjörnur og fleiri hryggleysingjar.

 

Fannst þér efnið á síðunni hjálplegt?