Upplýsingar um botnþörunga sem safnað hefur verið í fjörum og á grunnsævi við Ísland. Upplýsingar eru um tegund, fundarstað, söfnunartíma, nafn safnara og nafn þess sem greindi tegundina. Í sumum tilfellum er einnig skráðar upplýsingar um æxlunareinkenni eintaksins og aðrar upplýsingar um eintakið sem þykja áhugaverðar.
Karl Gunnarsson (karl@hafro.is) og Svanhildur Egilsdóttir (shild@hafro.is) hafa umsjón með innslætti gagna og viðhaldi grunnsins í samvinnu við Náttúrufræðistofnun Íslands.
- Hvar er grunnurinn geymdur?
Gagnagrunnurinn er vistaður í Oracle gagnagrunni Hafrannsóknastofnunarinnar.
- Hvar eru þörungarnir geymdir og hvernig?
Stærri þörungarnir eru þurrkaðir og settir upp á pappír með merkimiða með sömu upplýsingum og eru í grunninum (sjá hér fyrir ofan) en smásæir þörungar eru á smásjárgleri. Á smásjárglerinu eru miðar með upplýsingum um fundarstað, söfnunardag og eintakið. Eintökin eru varðveitt á Náttúrufræðistofnun Íslands og hefur Guðmundur Guðmundsson (gg@ni.is) umsjón með geymslu þeirra þar. Að auki eru skráð í grunninn allmörg þörungaeintök frá Íslandi sem vistuð eru í grasasafninu í Kaupmannahöfn.
Uppistaðan í þörungasafninu er úr söfnum eftirfarandi manna: Helgi Jónsson (safnað á tímabilinu 1897-1910), Sigurður Jónsson (safnað á tímabilinu 1963-1995), Karl Gunnarsson o.fl (safnað á tímabilinu 1973- ).
- Tölfræðiupplýsingar?
Alls eru skráðar um 11.500 færslur í grunninn.
Af þessum eintökum eru 1116 varðveitt í Kaupmannahöfn 138 eintök hafa ekki dagsetningu (11.11.1111) öll varðveitt í Kaupmannahöfn.
Elsta eintakið er Ectocarpus tomentosoides (leiðr: Laminariocolax tomentosoides) safnað af Helga Jónssyni við Brimnes þann 18.07.1807, varðveitt í Kaupmannahöfn.
Elsta eintakið sem varðveitt er á Íslandi er Fucus evanescens safnað af Stefáni Stefánssyni 06.04.1889 við Gásir í Eyjafirði.