Rannsóknir á kúfskel á Norðvestur‐, Norður‐ og Austurlandi í janúar til júní 1994; Útbreiðsla, þéttleiki, stofnmat, stærðarsamsetning, kynþroski, aldur og vöxtur. HV 2018 50

Farinn var rannsóknarleiðangur í janúar‐júní 1994 til könnunar á útbreiðslu og stofnstærð og kúfskelja frá Patreksfirði norður fyrir land að Álftafirði. Til rannsóknanna var notaður vatnsþrýstiplógur. Stofninn við Norðvesturland (Patreksfjörður – Húnaflói) var áætlaður rúmlega 120.000 tonn og við Norður‐ og Austurland (Skjálfandi – Álftafjörður) 188.000 tonn.