Lyf gegn laxalús: virkni, áhrif og notkun. HV 2019-56

Laxalús er snýkjudýr á laxfiskum í sjó og er mikið skaðræði fyrir fiskeldisfyrirtæki sem eyða miklum tíma og fjármunum í að hefta magn þeirra með ýmsum aðferðum. Ein þeirra leiða sem notuð hefur verið eru lyf sem eiga að drepa lúsina. Lyfin hafa reynst ágætlega í þessari baráttu en vandamálið er að þau geta einnig haft neikvæð áhrif á önnur krabbadýr sem fyrir eru á svæðinu. Í þessari skýrslu eru teknar saman upplýsingar um vandamál sem lúsin veldur í laxeldi, algengustu lyfin sem eru notuð til aflúsunar og hvaða áhrif þau geta haft á aðrar dýrategundir sem eru í námunda við eldissvæðið.