Fiskrannsóknir á vatnasvæði Tungufljóts í Biskupstungum árið 2018. HV 2019-05

Rannsóknin sem hér er greint frá er hluti af verkefni sem hófst árið 2014 og er áætlað til 10 ára. Markmið þess er að fá mat á árangur fiskræktar
í Tungufljóti þar sem áhersla er lögð á að fylgjast með vexti og viðgangi laxfiska á svæðinu ofan við fiskstigann við fossinn Faxa. Greint er frá niðurstöðum rannsókna 2018, fisktalningum á göngu upp fiskstigann við Faxa, seiðarannsóknum ofan og neðan Faxa, aldurs‐ og upprunagreiningum á laxi úr veiði og heimtum úr sleppingum laxagönguseiða.