Skrápflúra

Stærsta skrápflúra sem veiðst hefur á Íslandsmiðum mældist 65 cm.

Heimkynni skrápflúru eru í Norður-Atlantshafi, Norður-Íshafi og Barentshafi frá Svalbarða og meðfram ströndum Noregs inn í vestanvert Eystrasalt, í Norðursjó, suður í Ermarsund og umhverfis Bretlandseyjar og við Færeyjar. Hún er mjög algeng allt í kring um Ísland.

Skrápflúra er botnfiskur sem heldur sig mest á leir- og leðjubotni á 10-400 m dýpi og dýpra en hún hefur veiðst allt niður á 1200 m dýpi.

Fæða er mest loðna og allskonar botndýr svo sem burstaormar, slöngustjörnur, samlokuskeljar, sniglar, kuðungakrabbar o.fl. krabbadýr en einnig sandsíli o.fl. smáfiskar.