Vegna flutnings og lokunar starfsstöðvar ferskvatnssviðs Hafrannsóknastofnunar í Keldnaholti má búast við truflunum á síma- og netsambandi þriðjudaginn 21. mars og miðvikudaginn 22. mars. Starfsemi ferskvatnssviðs flyst að Skúlagötu 4 í Reykjavík.

Síðastliðið sumar fóru fram talningar á landsel við Ísland þar sem flogið var með allri strandlengju landsins og selir taldir. Flugtalningarnar eru gerðar til að meta fjölda landsela og fylgjast með þróun stofnstærðar.

Við breytingu á lögum um fiskeldi (nr. 71/2008) árið 2014 voru sett inn ný ákvæði um að rekstrarleyfi skuli fylgja burðarþolsmat sem framkvæmt sé af Hafrannsóknastofnun.

Í dag, mánudaginn 13. mars 2017, kl. 15:00 verður 19. árgangur Sjávarútvegsskóla Háskóla Sameinuðu þjóðanna útskrifaður. Sérstakur gestur við útskriftina verður Guðlaugur Þór Þórðarson, utanríkisráðherra.

Stofnmæling botnfiska á Íslandsmiðum er hafin og stendur yfir næstu þrjár vikurnar. Fjögur skip taka þátt í verkefninu að þessu sinni; togararnir Ljósafell SU og Barði NK og rannsóknaskipin Árni Friðriksson og Bjarni Sæmundsson. Alls verður togað á um 600 stöðvum á 20-500 m dýpi umhverfis landið.

Kafarar frá Sportkafarafélagi Íslands (SKFÍ) og Hafrannsóknastofnun náðu á dögunum einstökum myndum af fisklirfuklasa á 18 metra dýpi. Talið er að þarna hafi klak á steinbítslirfum verið myndað. Ekki er vitað til að áður hafi náðst myndir af því í hafinu hér við land.

Fimmtudaginn 23. febrúar kl. 12:30

Í frétt í Kjarnanum þann 14. febrúar kemur fram „að samkvæmt heimildum Kjarnans hefur töluvert verið rætt um það á markaði í dag, á meðal starfsmanna á fjármálamarkaði, hvort upplýsingar um þessa miklu aukningu loðnukvótans, hafi borist til einhverra áður en tilkynning kom fram. Þar er vísað til þess að gengi hlutabréfa í HB Granda hafi hækkað umtalsvert frá 8. febrúar síðastliðnum.

Eins og kunnugt er bentu mælingar á loðnustofninum í september/október 2016 til þess að veiðistofninn á vertíðinni 2016-2017 væri lítill og í samræmi við samþykkta aflareglu var ákveðið að engar veiðar yrðu stundaðar nema mælingar í janúar/febrúar 2017 gæfu tilefni til endurskoðunar.

Eins og kunnugt er bentu mælingar á loðnustofninum í september/október 2016 til þess að veiðistofninn á vertíðinni 2016-2017 væri lítill og í samræmi við samþykkta aflareglu var ákveðið að engar veiðar yrðu stundaðar nema mælingar í janúar/febrúar 2017 gæfu tilefni til endurskoðunar.