Úttekt á fiskrækt í Glórugili og Kumlhólslæk sem falla til Stóru-Laxár. KV 2021-8

Greint er frá úttekt á fiskrækt í Glórugili og Kumlhólslæk sem falla til Stóru-Laxár. Metinn var árangur þeirra fiskræktaraðgerða, mat lagt á búsvæði með tilliti til uppeldisskilyrða fyrir laxaseiði og hlutdeild lækjanna í heildarflatarmáli Stóru-Laxár var reiknað. Á undanförnum fjórum árum hefur verið stunduð þar fiskrækt með gerð tjarna og aflokun laxapara í lækjunum til hrygningar. Gerðar voru seiðamælingar og þéttleiki seiða og tegundasamsetning metin. Á grundvelli niðurstaðna og fyrri rannsókna voru gefin ráð varðandi fiskrækt og frekari rannsóknir á árangri hennar.