Skipting stangveiði í Langá á Mýrum eftir veiðistöðum og jörðum 2015 – 2024

Ágrip

Vegna arðskrármats sem Veiðifélag Langár lætur nú vinna fyrir félagið eru sundurliðaðar niðurstöður laxveiðinnar eftir veiðistöðum og jörðum í Langá á Mýrum settar fram fyrir tímabilið 2015 – 2024. Silungsveiðin (bleikja og urriði) er greind á sama hátt en niðurstöðurnar eru hér eingöngu tíundaðar eftir jörðum. Stangveiðinni í Langá á Mýrum er skipt á átta jarðir auk tveggja afréttarfélaga. Á tímabilinu veiddust 12.990 laxar og þar af var þekkt veiði 12.871 lax en 119 laxar voru ekki skráðir á veiðistaði (0,9%). Fjöldi (þekkt veiði) bleikja sem veiddist á sama tímabili og var skipt niður á jarðir var 395 og fjöldi urriða var 59.