Fiskirannsóknir á vatnasvæði Hítarár á Mýrum 2019 og samanburður við eldri gögn. HV 2021-01

Miklar breytingar urðu á vatnafari á vatnasvæði Hítarár sumarið 2018 þegar berghlaup féll úr Fagraskógafjalli og stíflaði ána sem varð til þess að áin breytti um farveg á löngum kafla. Við það þornaði hluti farvegar árinnar og uppeldissvæði laxaseiða drógust saman. Áhrif atburðarins á fiskistofna vatnasvæðisins hafa líklega ekki komið fram að öllu leyti enn sem komið er. Hér er skýrt frá stangveiði og rannsóknum á vatnasvæðinu sumarið 2019 í samhengi við eldri gögn.