Fyrrverandi starfsfólk kvatt með trega

Hafrannsóknastofnun kvaddi nýlega starfsmenn sem látið hafa af störfum á síðustu mánuðum. Átta fyrrum starfsmenn voru kvaddir með trega, þar af margir sem höfðu unnið að margskonar vísindastarfi sem laut að rannsóknum á hafi og ferskvatni, bæði fiskrannsóknum af ýmsu tagi en einnig svif- og umhverfisrannsóknum.

Eftirfarandi starfsmenn voru kvaddir (í stafrófsröð): Agnes Eydal sjávarlíffræðingur, Atli Bryngeirsson umsjónarmaður húsnæðis, Bárður Jón Grímsson umsjónarmaður útgerðar, Hafþór Júlíusson bátsmaður á Árna Friðrikssyni, Magnús Danielssen efnafræðingur , Magnús Jóhannsson fiskifræðingur og Þorsteinn Sigurðsson fiskifræðingur og forstjóri.

Fram kom í máli þeirra starfsmanna sem kvöddu hópinn að þar færi flokkur fólks sem hefði m.a. langa reynslu af fjölbreyttum leiðöngrum um borð í rannsóknaskipum Hafrannsóknastofnunar. Einnig áratugarannsóknir af sjómælingum sem skilað hefðu ómetanlegum gögnum, 40 ára vöktun og rannsóknir á ferskvatnsfiskum á Suðurlandi auk mikilvægra og fjölbreyttra starfa við stjórnun, um borð í rannsóknaskipum, sem og við umhirðu húsa, skipa, rannsóknatækja og annars útbúnaðar.

Hafrannsóknastofnun ítrekar þakkir sínar til fyrrum starfsmanna fyrir vel unnin störf á löngum tíma; allt störf sem hafa verið mikilvæg bæði fyrir íslenskt samfélag og stofnunina.

^{Agnes Eydal sjávarlíffræðingur tekur við kveðjugjöf frá Sólveigu Lilju Einarsdóttur sviðsstjóra mannauðs og
miðlunar. Jónas Jónasson sviðsstjóri botnsjávarsviðs er til hægri.} 

^{Sigrún Jóhannsdóttir gæða- og skjalastjóri tók að sér að kveðja Atla Bryngeirsson, umsjónarmann húsnæðis.}

^{Eggert Benedikt Guðmundsson, settur forstjóri, kvaddi Bárð Jón Grímsson, umsjónarmann útgerðar.} 

^{Hafþór Júlíusson komst ekki í starfslokahófið en hans kveðja var tekin upp og send.
Eggert Benedikt las kveðjupistilinn, Hörður Birgir Hafsteinsson háseti tók upp og Sólveig Lilja hlustar.} 

^{Magnús Danielssen efnafræðingur var kvaddur af Hrönn Egilsdóttur sviðsstjóra umhverfissviðs m.a. með
viðeigandi húfu í tilefni starfsloka.} 

^{Magnús Jóhannsson fiskifræðingur var kvaddur af Guðna Guðbergssyni, sviðsstjóra ferskvatns- og eldissviðs.} 

^{Þorsteinn Sigurðsson fiskifræðingur og fyrrum forstjóri Hafrannsóknastofnunar var kvaddur af Guðmundi Óskarssyni
sviðsstjóra uppsjávarsviðs fyrir hönd starfsfólks Hafrannsóknastofnunar.}