Vatnakerfi Álftár. Fiskirannsóknir 1988

Í skýrslu er sagt frá niðurstöðum rannsókna sem fram fóru á laxastofni Álftár á Mýrum í október 1988.  Svipaðar rannsóknir hafa verið gerðar frá 1986 og er markmið þeirra að athuga árlega hvernig áin nýtist til hrygningar og uppeldis á laxaseiðum. Í ljós hefur komið  að laxinn nýtir vatnasvæðið að jafnaði mjög vel og ennfremur virðist vatnasvæðið mjög frjósamt sem komið hefur fram í miklum seiðaþéttleika þar sem búsvæði eru góð fyrir laxinn. Einnig hefur verið fylgst með sleppingum gönguseiða í Álftá en 1987 og 1988 voru seiðin merkt með örmerkjum til að athuga árangur af sleppingunum.