Seiðaástand, stangaveiði og talning göngufiska í Úlfarsá árin 2012 og 2013

Ástand seiðastofna í Úlfarsá hefur verið vaktað með sambærilegum hætti í 15 ár og stangveiði hefur verið skráð frá 1974. Frá árinu 2007 hefur fiskteljari, sem staðsettur er í stíflu rétt neðan við Vesturlandsveg, skráð upp- og niðurgöngur fiska. Markmið með þessum rannsóknum og skráningum er að fylgjast með ástandi fiskstofna í Úlfarsá en það er mikilvægt vegna staðsetningar árinnar innan borgarmarka Reykjavíkur og stangveiðinýtingar. Í þessari skýrslu eru teknar saman niðurstöður fyrir árin 2012 og 2013.