Laxá í Aðaldal. Seiðabúskapur, endurheimtur gönguseiða og veiði 2014

Reglulega hefur verið fylgst með fiskstofnum Laxár í Aðaldal með vöktun á seiðabúskap, endurheimtum úr sleppingum gönguseiða, samsetningu og dreifingu veiðinnar í ánni. Á síðari árum hefur verið horft til tengsla þátta þ.m.t. stærðar hrygningarstofns og seiðabúskapar. Leitast er við að hafa gagnasöfnun með svipuðu sniði árlega (vöktun) en í því felst endurtekin gagnasöfnun sem framkvæmd er á kerfisbundinn hátt. Áhersla hefur verið lögð á að horfa á allan fiskgenga hluta vatnakerfisins í því sambandi þ.m.t hliðarárnar Mýrarkvísl og Reykjadalsá.