Kaldakvísl 1988. Uppeldisskilyrði og seiðarannsóknir

Í skýrslu er fjallað um rannsóknir Veiðimálastofnunar á neðri hluta Köldukvíslar og þveráa, sem fram fóru sumarið 1988. Gerðar voru seiðarannsóknir og uppeldisskilyrði fyrir seiði athuguð. Svæðið er á vatnasvæði Þjórsár og er í  um 321-400 m hæð yfir sjávarmáli. Bleikja, sem er nýlegur landnemi í Köldukvísl virðist hafa yfirtekið svæði þar sem urriði var áður.

Í seiðaveiðum veiddist eingöngu bleikjuseiði. Þéttleiki seiða var lítill en vöxtur sæmilegur. Sumarið 1988 var sleppt um 5000 örmerktum urriðaseiðum á svæðið. Ráðlagt er að bíða með frekari sleppingar þar til frekara mat er fengið af árangri sleppinganna.