Hrygning og afkoma bleikjuseiða í Brúnastaðaá ofan fossa árið 2013

Haustið 2013 réðst Veiðifélag Miklavatns og Fljótaár með, stuðningi Fiskræktarsjóðs, í það verkefni að kanna útbreiðslu og afkomu bleikjuseiða á þessu svæði ofan fossana í ánni. Áhugi var á að rannsaka hvort þar geti þrifist staðbundin bleikja sem hrygni í ána á svæðinu. Gert er ráð fyrir því að verkefnið standi yfir fram á haustið 2016, og þá verði ljóst hvort skilyrði í þessum hluta árinnar henti bleikju til vaxtar og þroska, og upp vaxi stofn staðbundinnar bleikju á svæðinu.