Fiskrannsóknir á vatnasvæði Þjórsár árið 2015

Í skýrslunni er gerð grein fyrir rannsóknum Veiðimálastofnunar sem unnar voru fyrir Landsvirkjun á vatnasvæði Þjórsár árið 2015. Seiðabúskapur var vaktaður og fiskgöngur upp Búða og í Kálfá kannaðar með fiskteljara. Göngulax og sjóbirtingur var aldursgreindur og leitað eftir merktum löxum í veiði. Gert var stofnmat á gönguseiðum í Kálfá 2013 og 2014 og göngulöxum í Þjórsá 2015. Vatnshiti var mældur með síritandi hitamælum.