Vöktunarrannsóknir á laxastofni Laxár í Dölum 2018. HV 2019-31

Í vöktunarrannsóknum á laxastofni Laxár í Dölum er árlega fylgst með þróun og samsetningu stangaveiðinnar, stærð hrygningarstofnsins er metin og fylgst er með nýliðun seiða. Í Laxá er veitt með 4‐6 stöngum frá 1. júlí til 31 september og veiddust 1205 laxar árið 2018 sem skiptust í 1067 eins árs laxa úr sjó (smálaxa) og 138 tveggja ára laxa úr sjó (stórlaxa). Stærstum hluta veiðinnar var sleppt (73,2%) þar af nær öllum stórlaxi (94,2%). Veiðin 2018 var um 18% yfir langtíma meðaltali áranna 1974‐2017.