Slóans gelgja

Slóans gelgja er uppsjávar- og miðsævisdjúpfiskur sem étur ýmsa miðsævisfiska og smákrabbadýr. Hrygning virðist eiga sér stað allt árið með hámarki síðla vetrar og snemma vors. Slóans gelgja hefur tvöfalda röð ljósfæra með fram endilöngum búknum en einnig á höfði undir auga. Ljósfæri eru algeng hjá fiskum í miðsævinu og eru hluti af felubúningi þeirra. Ljósfæri geta líka gegnt hlutverki við að veiða bráð og við æxlun. Slóans gelgja getur orðið um 35 cm löng.