Gljúfurá 2010. Seiðabúskapur og laxveiði

Seiðabúskapur í Gljúfurá hefur verið vaktaður af Veiðimálastofnun síðan 1995. Lax er ríkjandi tegund í ánni en einnig er talsvert um urriða.  Einnig fannst í fyrsta sinn kolinn flundra neðarlega í ánni. Sumarið 2010 fundust laxaseiði á aldrinum 0+ til 3+ og þéttleikinn mældist sá mesti frá upphafi mælinga eða 97,6/100 m2. Mestur var þéttleikinn hjá vorgömlu seiðunum eða 43,8 /100 m2. Vöxtur yngstu árganganna var yfir langtímameðaltali. Laxagangan var slitrótt og fylgdi rennslisbreytingum í Norðurá.