Flekkudalsá í Dölum. Samantekt um fiskirannsóknir

Veiðimálastofnun hefur lengi unnið að fiskirannsóknum á vatnasvæði Flekkudalsár á Fellsströnd, en þær hófust árið 1986. Fyrstu árin var einkum unnið að könnun á tegundaútbreiðslu og mati á seiðaþéttleika í ánni. Þá hefur hreistursýnum verið safnað á hverju ári frá 1989. Síðar hafa bæst við þættir þar sem fylgst er með laxveiðinni og samsetningu hennar og hrygningu laxa inn á búsvæði árinnar. Langar gagnaraðir hafa
þannig safnast um fiskistofna árinnar sem hafa ómetanlegt gildi. Upplýsingar sem safnast hafa verið teknar saman í árlegum skýrslum um rannsóknirnar.