Fiskrannsóknir og veiði á vatnasvæði Ölfusár-Hvítár

Tekin eru saman gögn um fiskrannsóknir og veiði á vatnasvæði Ölfusár-Hvítár og unnar séstakar seiðarannsóknir í Ölfusá vegna hugmynda um vatnsaflsvirkjun í Ölfusá við Selfoss. Líkur eru til að virkjun við Selfoss geti haft umtalsverð áhrif á umhverfið og vega þar áhrif á fisk og annað vatnalíf þungt. Án mótvægisaðgerða tæki fyrir nánast allar fiskgöngur þar sem virkjunin er neðarlega í vatnakerfinu og stærsti hluti búsvæða laxfiska ofan við fyrirhugaðan virkjunarstað.