Fisk- og botndýrarannsóknir á Apavatni árin 1987 og 1988

Rannsóknir þær sem greint er frá í þessari skýrslu voru gerðar vor og haust 1987 og sumarið 1988. Þær voru framkvæmdar af Suðurlandsdeild Veiðimálastofnunar í samvinnu við veiðiréttareigendur við Apavatn en veiðifélag var stofnað um vatnið á árinu 1988. Megin tilgangur rannsóknanna var að kanna ástand fiskstofnanna í vatninu og gefa ráðleggingar um nýtingu þeirra.