Hvanneyri

Starfsstöðin á Hvanneyri er hluti af ferskvatnssviði Hafrannsóknastofnunar. Hún var stofnuð sem útibú Veiðimálastofnunar árið 1978 og var þá staðsett í Borgarnesi. Árið 2004 fluttist starfsstöðin á Hvanneyri og er nú til húsa í Ásgarði hjá Landbúnaðarháskóla Íslands. Helstu verkefni starfsstöðvarinnar eru þjónustu- og vöktunarrannsóknir í laxám á Vesturlandi og Vestfjörðum, auk þátttöku í margvíslegum grunnrannsóknum á ferskvatnsfiskum. Starfsmenn tengjast einnig starfsemi Landbúnaðarháskólans með kennslu og leiðbeiningu nema í rannsóknarverkefnum á grunn- og framhaldsstigi.

Meðal helstu viðfangsefna eru:

• Vöktun laxastofna í fjölmörgum ám á Vesturlandi og Vestfjörðum.  Fylgst er með umhverfisbreytingum s.s.hitafari, ástandi og stærð seiða árganga, stærð og samsetningu hrygningarstofna, lax- og silungsveiði og veiðiálagi á stofna, rekstur  fiskteljara.
• Mat á stærðum og gæðum búsvæða.
• Grunnrannsóknir á lífríki straumvatna á Vestfjörðum (umhverfi, þörungar, smádýr, fiskur) vegna mikillar uppbyggingar fiskeldis.
• Þátttaka í margvíslegum grunnrannsóknum m.a. á áhrifum sjávarumhverfis á stofnstærð laxastofna og erfðafræði náttúrulegra laxastofna.
• Ráðgjöf til að efla sjálfbæra nýtingu veiðiáa.

Hafrannsóknastofnun Hvanneyri

Ásgarði
Hvanneyri
311 Borgarnes