Langa

Helstu niðurstöður

Heildarlífmassi í vorleiðangri lækkaði stöðugt á árunum 1985 til 2000. Eftir það hækkaði lífmassinn og var hár árin 2011 til 2012. Eftir það lækkaði lífmassinn til ársins 2020 en hefur síðan hækkað og er nú sá hæsti frá upphafi.
Fjöldi smárrar löngu (<40 cm) í vorleiðangri var mestur árið 2007 og hélst hár til ársins 2010 þegar þeim fækkaði ört og náðu lágmarki árið 2012. Síðan 2020 hefur fjöldinn aukist stöðugt. Svipað mynstur sést úr lengdardreifingum úr vorleiðangri, þar sem mikinn fjölda er að sjá á lengdarbilinu 60-100 cm árin 2012-2018, sem svo fer fækkandi þegar þeir hafa náð 80-120 cm.
Lífmassi stórrar löngu (>80 cm) í vorleiðangri var tiltölulega stöðugur árin 1985 til 2001 en hefur síðan þá stækkað og er nú sá hæsti frá upphafi mælinga.
Fiskveiðidauði (F, aldur 8-11) hefur lækkað stöðugt frá árinu 1984 og árið 2022 og 2023 var hann undir varúðarmörkum F_MGT. Árin 2024 og 2025 hækkaði hann þó örlítið og var yfir F_MGT en þó undir varúðarmörkunum F_PA og F_lim.
Nýliðun jókst árin frá 1999 til 2008, þegar hún var mest á tímabilinu. Síðan þá hefur hún lækkað og er nú á svipuð og árin fyrir aukninguna.

Almennar upplýsingar

Langa er ein af stærri tegundum af ættbálki þorskfiska (Gadiformes) og getur orðið allt af 200 cm löng. Meðallengd löngu í árlegum leiðöngrum Hafrannsóknastofnunar að vori er um 70-90 cm og er hún algengust á 100-400 m dýpi. Langa nær kynþroska á aldrinum 5-8 ára og er þá 60-80 cm löng. Langa hrygnir aðallega í maí og júní, mest meðfram landgrunnsbrúninni sunnan, suðvestan og vestan Íslands. Sjá nánar: https://www.hafogvatn.is/is/sjavardyr/langa

Veiðar

Landanir á löngu af Íslandsmiðum árin 1947-1971 voru á bilinu 8000-15000 tonn en landaður afli minnkaði töluvert árin eftir og til ársins 2000 þar sem flestum erlendum skipum var bannað að veiða innan íslenskrar lögsögu. Árin 2001-2010 jókst aflinn stöðugt og náði um 11 000 tonnum árið 2010 og um 14000 tonnum árið 2014. Árin eftir minnkaði aflinn en jókst aftur eftir árið 2021 og var 9791 tonn árið 2025 (Mynd 1 og Tafla 1)

Mynd 1: Langa. Landaður afli á Íslandsmiðum.

Hlutfall veiðarfæra við lönguveiðar hefur ekki breyst mikið seinustu ár en árlega skrá um 100-300 línubátar lönguafla, um 30-200 netabátar og um 50-120 togbátar. Meirihluti löngu er veiddur á línu (Mynd 2 og Tafla 1) en hlutfall línuafla hefur aukist frá árinu 2000 og var um 67% árið 2025. Á sama tíma hefur hlutfall löngu sem fæst í net lækkað úr um 20-30 % árið 2000 niður í um 2% árið 2025. Hlutfall botnvörpuafla er minna breytilegt og hefur verið í kringum 20 % (Mynd 2 og Tafla 1). Línuveiðar á löngu fara aðallega fram á minna en 300 metra dýpi, en botnvörpuveiðar á um 400 metra dýpi og grynnra (Mynd 3). Helstu veiðisvæði samkvæmt afladagbókum eru á landgrunninu sunnan-, suðvestan- og vestanlands (Mynd 4). Útbreiðsla veiða samkvæmt afladagbókum síðustu tvo áratugi sýnir lækkað hlutfall afla suðaustanlands og aukningu vestan við landið (Mynd 5). Einnig hafa veiðar færst grynnra síðustu ár (Mynd 3).

Tafla 1: Langa. Fjöldi Íslenskra báta sem skrá lönguafla á Íslandmiðum og afli eftir veiðarfærum samkvæmt afladagbókum.

Ár	Fjöldi báta (Botnvarpa)	Fjöldi báta (Net)	Fjöldi báta (Lína)	Afli botnvarpa	Afli net	Afli lína	Annað	Heildarafli
2000	125	184	289	726	704	1 540	70	3 284
2001	108	232	254	493	1 061	1 101	481	3 362
2002	100	203	235	664	648	1 283	1 674	4 519
2003	96	172	244	583	454	2 215	680	4 270
2004	97	165	234	656	545	2 017	886	4 606
2005	99	127	260	989	501	2 046	896	5 198
2006	91	99	259	1 246	629	3 734	1 124	7 404
2007	91	86	251	1 395	633	4 042	1 030	7 591
2008	82	68	209	1 509	477	5 007	1 576	9 283
2009	77	78	208	1 540	723	6 232	1 184	10 773
2010	75	69	197	1 538	363	6 532	1 124	10 963
2011	67	61	201	1 676	222	5 595	857	9 626
2012	68	62	206	1 396	245	7 479	1 143	11 817
2013	71	62	209	1 610	345	6 836	1 334	11 581
2014	64	57	220	1 707	673	10 624	12	14 246
2015	64	55	207	1 911	650	9 249	6	13 035
2016	65	55	186	1 825	681	6 545	9	9 884
2017	67	48	171	1 527	556	5 975	5	8 766
2018	63	47	151	1 606	387	5 366	11	8 062
2019	61	33	148	1 666	115	5 964	2	8 269
2020	63	36	124	1 677	138	4 765	6	7 061
2021	64	39	119	1 836	126	4 829	3	7 128
2022	62	30	103	2 232	262	4 917	0	7 657
2023	58	32	88	2 518	176	5 652	0	8 560
2024	59	30	80	2 573	159	5 898	0	8 868
2025	53	30	84	2 722	216	6 534	0	9 791

Mynd 2: Langa. Landaður afli eftir veiðarfærum frá 1994, samkvæmt aflaskráningarkerfi Fiskistofu.

Mynd 3: Langa. Afli línu- og botnvörpuveiða eftir dýpi samkvæmt afladagbókum.

Mynd 4: Langa. Útbreiðsla löngu (tonn/sml²) á Íslandsmiðum frá 2004 samkvæmt afladagbókum íslenskra skipa.

Mynd 5: Langa. Afli eftir svæðum ásamt hlutfalli innan hvers svæðis samkvæmt afladagbókum.

Landanir og brottkast

Skráningar landana íslenskra fiskiskipa eru í höndum Fiskistofu en Landhelgisgæslan kemur að skráningum landana norskra og færeyskra fiskiskipa. Brottkast við bolfiskveiðar á Íslandsmiðum er bannað með lögum. Takmarkaðar upplýsingar eru til um brottkast á löngu (línuveiðar) en það er talið vera lítið (<1 %) (WGDEEP, 2011:WD02). Aðgerðir í fiskveiðistjórnun (m.a. tegundatilfærsla í kvótakerfi) er taldar minnka brottkast í blönduðum veiðum.

Yfirlit gagna

Sýnasöfnun úr lönduðum afla (línuveiðum og botnvörpuveiðum) er talin endurspegla útbreiðslu og árstíðarsveiflu lönguveiða (Mynd 6).

Mynd 6: Langa. Dreifing lengdarmælinga(svartir punktar) og afli á Íslandsmiðum (efri mynd) og fjöldi sýna eftir mánuðum og verkefnum (súlur) auk hlutfalls hvers mánaðar (neðri mynd).

Lengdardreifing úr atvinnuleiðöngrum

Flestar lengdarmælingar á löngu eru frá línu- og botnvörpuveiðum (Tafla 2) og er fjöldi lengdarmælinga í samræmi við landaðan afla. Hins vegar fækkaði sýnum árið 2020, sem má líklega rekja til covid-19 faraldursins. Lengdardreifing löngu úr línu- og botnvörpuveiðum er sýnd á Mynd 7. Sýnasöfnun úr lönduðum afla er talin endurspegla útbreiðslu lönguveiða og árstíðarsveiflur (Mynd 6).

Tafla 2: Langa. Fjöldi lengdarmælinga úr afla íslenskra skipa.

Ár	Botnvarpa	Dragnót	Net	Lína	Annað	Heildarfjöldi
2000	377	0	566	1 624	6	2 573
2001	37	0	493	1 661	0	2 191
2002	221	0	366	1 504	0	2 091
2003	137	0	300	2 405	143	2 985
2004	141	46	348	2 640	0	3 175
2005	349	101	31	2 323	150	2 954
2006	1 157	0	645	3 354	401	5 557
2007	400	76	0	3 661	0	4 137
2008	819	15	357	5 847	150	7 188
2009	516	0	410	9 014	450	10 390
2010	1 146	0	57	7 322	1 199	9 724
2011	1 245	150	0	7 248	750	9 393
2012	1 411	150	85	11 356	1 337	14 339
2013	993	122	267	9 405	1 344	12 131
2014	2 089	120	1 286	6 448	2 964	12 907
2015	2 615	0	1 563	3 315	3 052	10 545
2016	2 460	0	2 039	2 483	1 212	8 194
2017	1 963	0	485	1 637	1 226	5 311
2018	1 603	0	559	1 424	712	4 298
2019	1 830	0	0	3 598	819	6 247
2020	1 718	0	124	1 099	498	3 439
2021	2 028	0	0	1 056	466	3 550
2022	1 805	0	370	563	1 534	4 272
2023	2 423	0	90	1 284	0	3 797
2024	1 434	134	0	1 660	0	3 228
2025	3 035	0	258	2 452	0	5 745

Mynd 7: Langa. Lengdardreifing löngu úr botnvörpu og línu árin 2003-2025

Aldurssamsetning úr lönduðum afla

Aldursgreiningar á löngu ná aftur til ársins 2000 (Tafla 3). Fyrri árin var meirihluti löngu á aldursbilinu 5-8 ára (stofnmæling að vori, SMB) og 6-9 ára (línuveiðar) en meðalaldur hefur farið hækkandi yfir tímabilið og aflinn samanstaðið af eldri einstaklingum (sjá næsta kafla; Gögn frá stofnmælingaleiðöngrum).

Tafla 3: Langa. Fjöldi aldursgreindra kvarna úr afla

Ár	Lína	Net	Dragnót	Botnvarpa	Annað	Heildarfjöldi
2000	650	200	0	150	0	1 000
2001	550	193	0	37	0	780
2002	519	166	0	150	0	835
2003	900	100	0	100	50	1 150
2004	750	100	46	100	0	996
2005	750	0	0	181	50	981
2006	1 137	288	0	450	100	1 975
2007	1 300	0	50	100	0	1 450
2008	1 950	150	0	315	50	2 465
2009	2 550	150	0	250	150	3 100
2010	2 498	50	0	450	400	3 398
2011	2 546	0	50	450	250	3 296
2012	3 521	50	50	541	400	4 562
2013	2 590	100	50	350	450	3 540
2014	665	225	20	399	514	1 823
2015	595	300	0	483	520	1 898
2016	440	345	0	460	220	1 465
2017	310	85	0	370	225	990
2018	245	100	0	310	120	775
2019	385	0	0	340	140	865
2020	225	40	0	355	102	722
2021	180	0	0	398	100	678
2022	183	80	0	400	318	981
2023	320	20	0	564	0	904
2024	340	0	40	359	0	739
2025	420	60	0	565	0	1 045

Mynd 8: Langa. Aldurskiptur afli. Súlur gefa til kynna afla í fjölda eftir aldri og eru litaðar eftir árgangi.

Mynd 9: Langa. Samsetning heildarafla á ári skipt eftir árgangi

Þyngd eftir aldri í afla

Meðalþyngd eftir aldri úr afla er sýnd á Mynd 10. Aflaþyngdir eldri árganga (8-12 ára) hafa aukist síðustu ár og verið að mestu yfir meðalþyngd síðan 2018, Hinsvegar hafa aflaþyngdir yngri árganga verið undir meðalþyngd síðustu ár.

Mynd 10: Langa. Aflaþyngdir eftir aldri. Súlur gefa til kynna frávik frá meðalþyngd eftir aldri (svört lína) og eru litaðar eftir árgangi.

Afli, sókn og rannsóknarleiðangrar

Afli löngu á sóknareiningu á Íslandsmiðum er ekki talinn endurspegla lífmassa löngu.

Stofnmælingar

Tveir reglubundnir rannsóknaleiðangrar með botnvörpu eru farnir á vegum Hafrannsóknastofnunar, þ.e. stofnmæling botnfiska að vori (SMB) og að hausti (SMH). SMB hefur farið fram árlega síðan 1985 og nær yfir helstu útbreiðslusvæði löngu. SMH hefur farið fram árlega frá árinu 1996, að undanskildu árinu 2011.

Útbreiðslu löngu í SMB 2026 og SMH 2025 er sýnd á Mynd 11, og Mynd 12 sýnir breytingar á vísitölum löngu í SMB og SMH. Lengdardreifing löngu í SMB er sýnd á Mynd 7 og breytingar á útbreiðslu á Mynd 11.

Í stofnmælingum fæst langa aðallega djúpt á landgrunninu sunnan og vestan Íslands. Heildarvísitala og vísitala löngu >40 cm lækkuðu til ársins 1995 og héldust lágar til ársins 2003. Eftir það hækkuðu vísitölur stöðugt og hafa verið háar en sveiflukenndar í rúman áratug (Mynd 10). Nýliðunarvísitala hækkaði frá árinu 2003 og náði hámarki árin 2007-2010, en lækkaði síðan hratt til ársins 2014 og hefur verið lág síðan. Síðan þá hefur nýliðunarvísitalan verið að hækka, sem og vísitölur stærri löngu, og náðu þær hæsta gildi í tímaröðinni árið 2024 (Mynd 12). Vísitala stærri löngu (80 cm og lengri) hefur svipaðan feril og vísitala heildarlífmassa.

Lengdardreifingar í SMB gefa svipaða mynd og vísitölurnar og árin 2012-2018 má sjá aukningu í lífmassa löngu á lengdarbilinu 60-100 cm, sem fer síðan fækkandi þegar fiskar ná 80-120 cm. Þetta mynstur er líklegt til að hafa valdið aukningu á stærð löngu í botnvörpusýnum (Mynd 7). Vísitölur úr SMH voru lágar árin 1996-2000 en hafa farið hækkandi síðan (Mynd 10). Samræmi er á milli leiðangrana að flestu leyti en vísitölur eru þó lægri í SMH. Einnig er ósamræmi í nýliðunarvísitölum, en þær eru lægri í SMH. Mismuninn má líklega skýra með minni veiðanleika (sökum mismunandi veiðarfæra) í SMH á löngu undir 40 cm.

Samkvæmt gögnum úr SMB varð mikil aukning á lífmassa á vestur svæði árin 2012-2018, en aukning á tímabilinu var þó sjáanleg á öllum svæðum. Frá 2016 hefur lífmassinn þar minnkað en aukist suðaustanlands.

Mynd 11: Langa. Staðsetningar og magn löngu í stofnmælingum botnfiska að vori 2026 (SMB) og hausti 2025 (SMH)

Mynd 12: Langa. Heildatlífmassi, lífmassi >40 cm, lífmassi > 80 cm og nýliðun (fjöldi <40 cm). Línur sýna niðurstöður úr stofnmælingu botnfiska að vori (SMB) og punktar niðurstöður úr stofnmælingu að hausti (SMH). Skyggð svæði og lóðréttar línur sýna staðalskekkju.

Mynd 13: Langa. Lífmassavísitala úr stofnmælingu botnfiska að vori og að hausti eftir árum og svæðum landgrunnsins (efri mynd) og hlutfall milli svæða (neðri mynd).

Mynd 14: Langa. Lengdardreifing úr vor- og haustleiðangri eftir árum.

Mynd 15: Langa. Aldursskiptar fjöldavísitölur úr haustleiðangri (vinstri) og úr vorleiðangri (hægri). súlur eru litaðar eftir árgangi. Athugið ólíkan skala á y-ás.

Stofnþyngdir eftir aldri

Meðalþyngd eftir aldri úr vorleiðangri er sýnd á Mynd 16. Meðalþyngdir 4-8 ára hafa verið undir meðalþyngd síðustu ár.

Mynd 16: Langa. Meðalþyngd eftir aldri úr vorleiðangri. Svört lína er meðalþyngd. Súlur eri litaðar eftir árgangi.

Kynþroski

Langa við Ísland verður kynþroska á aldri 5-8 og við lengd 60-80 cm. Kynþroski eftir aldri er fenginn úr vorleiðangri en fyrir árið 1985 er hlutfall kynþroska fest við sama gildi og árið 1985. Kynþroski eftir aldri 5-7 ára hefur farið lækkandi síðustu ár en verið yfir meðaltali fyrir eldri einstaklinga (Mynd 17), en meðallengd við kynþroska var 77 cm árið 2026 (Mynd 18).

Mynd 18: Langa. Hlutfall kynþroska eftir lengd úr vorleiðangri. Svarta línan er árið 2026.

Stofnmat

Vorið 2022 var stofnmat löngu endurmetið (ICES 2022a) þar sem fyrra stofnmat með Gadget líkani var farið að sýna óstöðugleika samkvæmt endurlitsgreiningu. Sem hluti af mati á aflareglum var farið yfir stofnmat á rýnifundi hjá Alþjóðahafrannsóknaráðinu (ICES) (WKICEMP, ICES 2022b) sem varð til þess að gerðar voru breytingar á stofnmatsaðferðum, auk þess sem viðmiðunarpunktar voru endurskoðaðir. Uppsetningu líkans og stillingum er lýst í viðauka í skýrslu ICES um stofn löngu (ICES 2023).

Inntaksgögn og greining á niðurstöðum stofnmats

Inntaksgögn og stillingar fyrir stofn löngu er að finna í viðauka í skýrslu ICES um löngu (ICES 2023). Mynd 26 sýnir stillingar líkans.

Samsvörun líkans við vísitölur úr leiðöngrum og afla eru sýndar á Mynd 19, Mynd 20, Mynd 21. Almennt fylgir líkanið séðri dreifingu og lokagildi eru ekki frábrugðin séðum gildum fyrir flesta lengdarhópa, að undanskildum tveimur stærstu lengdarhópunum þar sem líkanið ofmetur fjölda. Við samlagningu yfir leiðangurslífmassa ofmetur líkanið lífmassann á lokaárunum.

Mynd 19: Langa. Samanburður á niðurstöðum líkans (línur) og heildarvísitölum vorleiðangurs (punktar)

Mynd 20: Langa. Samanburður á niðurstöðum líkans (línur) og heildarvísitölum haustleiðangurs (punktar)

Mynd 21: Langa. Samanburður á niðurstöðum líkans (línur) og heildarvísitölum netaralls (punktar)

Mynd 22: Langa. Samanburður á niðurstöðum líkans (línur) og heildarvísitölum afla (punktar)

Niðurstöður

Niðurstöður stofnmats sýna aukningu í nýliðun árin 2004-2010, sem endurspeglast í stækkun hrygningarstofns og auknum afla árin 2010-2019. Fiskveiðidauði hefur lengst af haldist stöðugur en farið minnkandi síðastliðinn áratug, þó með lítils háttar aukningu síðustu tvö ár (Mynd 23).

Mynd 26: Langa. Áætlaðar breytur líkans.

Mynd 27: Langa. Samanburður á leitni stofnmatssins (heilar línur) og stofnvísitölum.

Endurlitsgreining

Reiknuð endurlitsgreining gefur til kynna leiðréttingu upp á við á mati á hrygningarstofni síðustu ár (Mynd 28). Mat á fiskveiðidauða hefur verið nokkuð stöðugt og sama má segja um nýliðun, fyrir utan greinileg hámark árin 2017-2018. Eins og lýst er í kafla um leiðangrsvísitölur, er þetta líklega vegna mjög sveiflukenndar vísitala á minnstu stærðunum síðustu árin, þar sem engar endurteknar mælingar eru á stærri stærðum til að jafna þessa sveiflu. Búist er við að þessir nýliðunarhamar séu eingöngu afleiðing af óvissu í leiðangrsvísitölum og líklegir til að hverfa á næstu mat-árum.

Mohn‘s ρ var metið -0.215 fyrir hrygningarstofn, 0.234 fyrir fiskveiðidauða, og -0.128 fyrir nýliðun. Hvorki leifar né ferilfrávik sýna mynstur (Mynd 24 og Mynd 25).

Mynd 28: Langa. Fimm ára reiknuð endurlitsgreining sem sýnir stöðuleika í mati líkansins. Niðurstöður eru sýndar fyrir afla, fiskveiðidánartölu 8-11 ára, hrygningarstofn og nýliðun 2 ára.

Viðmiðunarpunktar

Aflaregla fyrir löngu var metin árið 2022 (WKICEMSE 2022, WKICEMP 2022), og í samræmi við þá vinnu voru viðmiðunarpunktar skilgreindir fyrir stofninn:

Tafla 4: Langa. Skilgreindir viðmiðunarpunktar

Nálgun	Viðmiðunarmörk	Gildi	Grundvöllur
Aflaregla	MGT Btrigger	11 100	Aflaregla
	FMGT	0.3	Aflaregla
Hámarksafrakstur	FMSY	0.3	Leiðir til hámarksafraksturs til lengri tíma, byggt á slembihermunum (EqSim).
	MSY Btrigger	11 100	Byggt á Bpa
Varúðarnálgun	Blim	9 000	Lægsta SSB gildið (2016) með háa nýliðun
	Bpa	11 100	Blim x e1.645×0.2
	Flim	0.95	Fiskveiðidauði sem í framreikningum leiðir til þess að miðgildi hrygningarstofns er við Blim
	Fpa	0.62	Fp05, hámarks F þar sem líkur á því að SSB fari niður fyrir Blim eru < 5%

Aflaregla fyrir löngu á Íslandsmiðum ákvarðar aflamark fyrir fiskveiðiárið y/y+1 (1. september til 31. ágúst) á grundvelli fiskveiðidauða F_MGT = 0,30 á aldurshópa 8–11, en þegar SSB\(_{y}\) < MGT B\(_{\text{trigger}}\) er F leiðrétt hlutfallslega niður á við. Aflareglan heldur uppi hárri framleiðni og er jafnframt varúðarleg, þar sem líkurnar á að SSB falli undir B\(_{\lim}\) eru undir 5% til meðallangs og langs tíma. WKICEMSE 2022 komst að þeirri niðurstöðu að aflareglan uppfylldi varúðarnálgun og í samræmi við markmið um hámarksafrakstur (ICES 2022a).

Fiskveiðistjórnun

Matvælaráðuneytið er ábyrgt fyrir stjórnun fiskveiða á hafsvæði við Ísland og innleiðingu laga um fiskveiðistjórnun. Ráðuneytið setur reglur um fiskveiðar í atvinnuskyni fyrir hver fiskveiðiár (frá 1. september til 31. ágúst), þ.m.t. úthlutun veiðiheimilda fyrir hvern fiskistofn sem lýtur slíkri stjórn. Langa hefur verið hluti af fiskveiðistjórnunarkerfinu frá fiskveiðiárinu 2001/2002.

Landanir voru töluvert umfram ráðgjöf og aflamark frá fiskveiðiárinu 2002/2003 til 2013/2014 (Tafla 5). Umframveiðin hefur þó minnkað stöðugt frá fiskveiðiárinu 2009/2010: 53–35% árið 2010/2011, 24% árið 2011/2012 og 4% árið 2012/2013. Þessi mikla umframveiði er talin stafa af tilfærslum kvóta á milli fiskveiðiára og tegunda. Að auki gerði ráðuneytið ekki ráð fyrir veiðum Norðmanna og Færeyinga á Íslandsmiðum við úthlutun aflaheimilda. Engin lágmarksstærð er á landaðri löngu.

Samningur er á milli Íslands, Noregs og Færeyja um veiðar innan landhelgi Íslands. Færeysk veiðiskip mega veiða 5600 tonn af botnfiska tegundum, þar af 1200 tonn af þorski og 40 tonn af lúðu. Afgangurinn beinist helst að keilu, löngu og blálöngu. Nánari lýsingu á íslenska fiskveiðistjórnunarkerfinu má finna í viðauka í skýrslu ICES um stofn löngu (ICES 2023).

Tafla 5: Langa. Tillögur um hámarksafla samkvæmt aflareglu, ákvörðun stjórnvalda um aflamark og afli (tonn). Afli annarra þjóð fyrir 2014 er á almanaksári

Fiskveiðiár	Tillaga	Aflamark	Afli Íslendinga	Afli annarra þjóða	Afli alls
2010/2011	7500	7 500	9 327	837	9 327
2011/2012	8800	9 000	10 072	1 123	10 072
2012/2013	12000	12 000	11 125	1 368	11 140
2013/2014	14000	14 000	11 794	1 763	12 982
2014/2015	14300	14 300	11 684	1 974	13 658
2015/2016	16200	16 200	9 773	1 456	11 229
2016/2017	9343	9 343	7 291	1 135	8 426
2017/2018	8598	8 598	7 017	1 309	8 326
2018/2019	6255	6 255	6 927	1 101	8 028
2019/2020	6599	6 599	5 972	1 183	7 155
2020/2021	5700	5 700	6 201	1 012	7 213
2021/2022	4735	4 735	5 814	885	6 699
2022/2023	6098	6 098	7 537	926	8 463
2023/2024	6566	6 566	8 202	1 288	9 490
2024/2025	6479	6 479	8 162	1 040	9 202
2025/2026	6330	6 330	—	—	—
2026/2027	7657	—	—	—	—

Mynd 29: Langa. Nettó tilfærsla á kvóta eftir fiskveiðiárum. Tilfærsla á milli ára (efri mynd):. Tilfærsla kvóta frá viðkomandi fiskveiðiári yfir á næsta fiskveiðiár. Tilfærsla milli tegunda (neðri mynd): jákvæð gildi tákna tilfærslu á kvóta annarra tegunda yfir á löngu en neikvæð gildi tilfærslu löngukvóta á aðrar tegundir.

Mynd 30: Langa. Samanburður á ráðgjöf, aflamarki og heildarafla.

Stöðumat ráðgjafar

Gögn sem liggja fyrir úr lönduðum afla og úr leiðöngrum Hafrannsóknastofnunar benda til þess að ástand löngustofnsins sé gott og það er staðfest með stofnmati samkvæmt SAM líkani. Hins vegar mun minnkandi nýliðun frá árinu 2010 líklega skila sér í minnkuðum afla.

Um 95 % löngu er veidd á línu og í botnvörpu en einungis 5 % í önnur veiðarfæri, þá aðallega í net. Ef þessi hlutföll breytast verulega má búast við breytingum á aflasamsetning löngu þar sem net veiða aðrar stærðir en lína og botnvarpa.

Tafla 6: Langa. Afli á Íslandsmiðum eftir þjóðum (Source STATLANT).

Ár	Færeyjar	Þýskaland	Ísland	Noregur	Bretland	Belgía
1983	644	0	4 236	115	0	128
1984	450	0	3 306	21	0	103
1985	384	0	2 989	17	0	59
1986	556	0	2 948	4	0	88
1987	657	0	4 154	6	0	157
1988	619	0	5 083	10	0	134
1989	614	0	4 833	5	0	95
1990	399	0	5 119	0	0	42
1991	530	0	5 181	0	0	69
1992	526	0	4 526	0	0	34
1993	504	0	3 522	0	0	20
1994	551	0	3 561	0	0	3
1995	536	0	3 479	0	0	0
1996	395	1	3 703	20	0	0
1997	300	0	3 606	0	0	0
1998	735	0	3 659	0	0	0
1999	501	0	4 002	120	1	0
2000	3	1	3 209	67	5	0
2001	370	2	2 872	116	1	0
2002	1 631	0	2 843	45	0	0
2003	570	2	3 585	108	5	0
2004	739	1	3 727	139	0	0
2005	682	3	4 313	180	20	0
2006	962	1	6 283	158	0	0
2007	807	0	6 599	185	0	0
2008	1 366	0	7 738	179	0	0
2009	1 157	0	9 616	0	0	0
2010	1 095	1	9 868	0	0	0
2011	588	0	8 789	249	0	0
2012	875	0	10 695	248	0	0
2013	1 074	0	10 213	294	0	0
2014	1 605	0	12 483	158	0	0
2015	1 131	0	11 653	250	0	0
2016	952	0	8 702	230	0	0
2017	730	0	7 792	244	0	0
2018	993	0	6 866	203	0	0
2019	1 023	0	7 062	184	0	0
2020	971	0	5 853	237	0	0
2021	750	0	6 287	91	0	0
2022	669	0	6 856	132	0	0
2023	731	0	7 650	178	0	0
2024	1 149	0	7 596	123	0	0
2025	918	0	8 873	0	0	0

Heimildir

ICES. 2011. “Report of the Working Group on the Biology and Assessment of Deep-Sea Fisheries Resources (WGDEEP), 2 March–8 March, 2011, Copenhagen, Denmark. ICES Cm 2011/Acom:17.” International Council for the Exploration of the Seas; ICES publishing.

ICES. 2012. “Report of the Working Group on the Biology and Assessment of Deep-Sea Fisheries Resources (WGDEEP), 28 March–5 April, 2012, Copenhagen, Denmark. ICES Cm 2012/Acom:17.” International Council for the Exploration of the Seas; ICES publishing.

ICES. 2017. “Report of the Workshop on Evaluation of the Adopted Harvest Control Rules for Icelandic Summer Spawning Herring, Ling and Tusk (WKICEMSE), 21–25 April 2017, Copenhagen, Denmark. ICES CM 2017/ACOM:45.” International Council for the Exploration of the Seas; ICES publishing.

ICES. 2022a. Iceland request for evaluation of a harvest control rule for tusk in Icelandic waters. In Report of the ICES Advisory Committee, 2022. ICES Advice 2022, sr.2022.6d, https://doi.org/10.17895/ices.advice.19625823

ICES. 2022b. Workshop on the evaluation of assessments and management plans for ling, tusk, plaice and Atlantic wolffish in Icelandic waters (WKICEMP). ICES Scientific Reports. Report. https://doi.org/10.17895/ices.pub.19663971.v1

ICES. 2023. Stock annex: Ling (Molva molva) in Division 5.a (Iceland grounds). ICES Stock Annexes. Report. https://doi.org/10.17895/ices.pub.23599644.v1