Litli karfi Sebastes viviparus
Birting ráðgjafar: 6. júní 2025. Útgefið af Hafrannsóknastofnun.
Ráðgjöf
Hafrannsóknastofnun leggur til, í samræmi við nýtingarstefnu sem mun leiða til hámarksafraksturs til lengri tíma litið (MSY), að afli hvors fiskveiðiárs 2025/2026 og 2026/2027 verði ekki meiri en 683 tonn.
Stofnþróun
Stofnstærð er yfir aðgerðarmörkum (Itrigger) og veiðiálag er undir kjörsókn (FMSY proxy).
Litli karfi. Afli, lífmassavísitala úr SMB og vísitala veiðihlutfalls. Lífmassavísitala: rauðar láréttar línur sýna meðallífmassavísitölur fyrir árin 2021–2023 og 2024–2025 sem eru notaðar við útreikninga ráðgjafar, skyggð svæði sýnir 95 % öryggismörk.
Horfur
Grunnur ráðgjafar fylgir forskrift Alþjóðahafrannsóknaráðsins fyrir stofna þar sem ekki er hægt að framkvæma tölfræðilegt stofnmat en til eru vísitölur sem taldar eru gefa mynd af breytingum í stofnstærð (Category 3 stocks; ICES,2021). Lífmassavísitala fyrir litla karfa úr SMB er notuð til að reikna tímaháða breytingu á stofnvísitölu. Þar sem upplýsingar um lífssögulega þætti eru til staðar auk nægjanlegra lengdarmælingagagna úr afla er ráðgjöfin byggð á svokallaðri rfb-reglu Alþjóðahafrannsóknaráðsins, sem gildir fyrir hvort fiskveiðiár 2025/2026 og 2026/2027.
Litli karfi. Útreikningur ráðgjafar.
Ay: Ráðgjöf fyrir 2024/2025 | 569 |
Breytingar í stofni | |
Vísitala A (2024-2025) | 45 575 |
Vísitala B (2021-2023) | 34 697 |
r: Hlutfall vísitölu (A/B) | 1.314 |
Vísitala veiðihlutfalls | |
Meðallengd í afla(Lmean = L2024) | 26 |
Lengd við kjörsókn (LF=M) | 24 |
f: Vísitala veiðihlutfalls (LF=M/Lmean) | 0.923 |
Gátmörk | |
Vísitala seinasta árs (I2025) | 33 568 |
Aðgerðarmörk vísitölu (Itrigger=Iloss*1.4) | 9 471 |
b: Vísitala í hlutfalli við aðgerðamörk, min{I2025/Itrigger, 1} | 1 |
Varúðarlækkun til þess að tryggja að hrygningarstofn fari ekki undir gátmörk (Blim) með 95 % líkum | |
m: Margfaldari (byggður á lífssögu) | 0.95 |
Reiknuð ráðgjöf1) | 769 |
Sveiflujöfnun (+20 % / -30 % borið saman við Ay, aðeins beitt ef b>1)2) | 1 |
Ráðgjöf fyrir 2025/2026 og 2026/2027 | 683 |
% breyting á ráðgjöf3) | 20 |
1) Ay × r × 1/f × b × m | |
2) min{max(0.7Ay, Ay+1), 1.2Ay} | |
3) Tölur í töflu eru námundaðar. Útreikningar eru gerðir með ónámunduðum tölum og því gætu reiknuð gildi ekki stemmt | |
Ráðlagt aflamark fyrir komandi fiskveiðiár hækkar vegna þess vísitala stofnstærðar hefur hækkað.
Stofnmat og gátmörk
Forsendur ráðgjafar | Hámarksafrakstur |
Aflaregla | Ekki hefur verið sett aflaregla fyrir þennan stofn |
Stofnmat | Byggt á tímaháðum breytingum í stofnmælingum |
Inntaksgögn | Afli og vísitölur úr stofnmælingu botnfiska að vori (SMB) |
Nálgun | Viðmiðunarmörk | Gildi | Grundvöllur |
|---|---|---|---|
Hámarksafrakstur | Itrigger | 9 471 | Iloss×1.4; Iloss er skilgreint sem lægsta sögulega gildið í SMB |
FMSY_proxy | 1 | Hlutfallslegt gildi úr LBI greiningu, þar sem gert er ráð fyrir að M/K = 1.5 | |
Lc | 20 | Lengd við fyrsta veiði, 50% af tíðasta gildi | |
LInf | 36 | Hámarkslengd tegundar | |
K | 0.14 | Vaxtarhraði | |
LF=M | 24 | 0.75 x Lc + 0.25 x LInf |
Gæði stofnmats
SMB nær yfir allt veiðisvæði litla karfa á Íslandsmiðum. Skekkjumörk á mati vísitölunnar síðustu ár eru víð, sem stafar af miklum afla í fáum togum. Þetta veldur talsverðri óvissu í mati á lífmassavísitölum frá ári til árs. Þar sem rannsóknir og veiðar á litla karfa hafa verið takmarkaðar er lítið vitað um stofnstærð hans og veiðiþol.
Aðrar upplýsingar
Takmarkaðar upplýsingar eru til um afrakstursgetu stofnsins.
Ráðgjöf, aflamark og afli
Litli karfi. Tillögur um hámarksafla, ákvörðun stjórnvalda um aflamark og afli (tonn).
Fiskveiðiár | Tillaga | Aflamark | Afli alls |
|---|---|---|---|
2011/2012 | 1 500 | 1 219 | |
2012/2013 | 1 500 | 605 | |
2013/2014 | 1 500 | 666 | |
2014/2015 | 1 500 | 1 500 | 390 |
2015/2016 | 1 500 | 1 500 | 421 |
2016/2017 | 1 500 | 1 500 | 110 |
2017/2018 | 1 500 | 1 500 | 151 |
2018/2019 | 1 500 | 1 500 | 164 |
2019/2020 | 697 | 697 | 138 |
2020/2021 | 684 | 684 | 96 |
2021/2022 | 609 | 609 | 74 |
2022/2023 | 585 | 585 | 59 |
2023/2024 | 569 | 569 | 110 |
2024/2025 | 569 | 569 | |
2025/2026 | 683 | ||
2026/2027 | 683 |
Heimildir og ítarefni
ICES. 2021. Tenth Workshop on the Development of Quantitative Assessment Methodologies based on LIFE-history traits, exploitation characteristics and other relevant parameters for data-limited stocks (WKLIFE X). ICES Scientific Reports. Report https://doi.org/10.17895/ices.pub.5985
Stofnmatsskýrslur Hafrannsóknastofnunar 2025. Litli karfi. Hafrannsóknastofnun, 6. júní 2025.