Hlýri Anarhichas minor
Birting ráðgjafar: 6. júní 2025. Útgefið af Hafrannsóknastofnun.
Ráðgjöf
Hafrannsóknastofnun leggur til, í samræmi við nýtingarstefnu sem mun leiða til hámarksafraksturs til lengri tíma litið (MSY), að afli hvors fiskveiðiárs 2025/2026 og 2026/2027 verði ekki meiri en 299 tonn.
Stofnþróun
Stofnstærð er yfir aðgerðarmörkum (Itrigger) og veiðiálag er undir kjörsókn (FMSY proxy).
Hlýri. Afli eftir veiðarfærum, nýliðunarvísitala úr SMB, vísitala veiðihlutfalls og lífmassavísitala úr SMB. Lífmassavísitala í SMB: rauðar láréttar línur sýna meðallífmassavísitölur fyrir árin 2021–2023 og 2024–2025 sem eru notaðar við útreikninga ráðgjafar. Skyggð svæði og öryggisbil sýna 95 % öryggismörk.
Stofnmat og gátmörk
Forsendur ráðgjafar | Hámarksafrakstur |
Aflaregla | Ekki hefur verið sett aflaregla fyrir þennan stofn |
Stofnmat | Byggt á tímaháðum breytingum í stofnmælingum |
Inntaksgögn | Afli og vísitölur úr stofnmælingu botnfiska að vori (SMB) |
Nálgun | Viðmiðunarmörk | Gildi | Grundvöllur |
|---|---|---|---|
Hámarksafrakstur | Itrigger | 3 363 | Iloss×1.4; Iloss er skilgreint sem lægsta sögulega gildið í SMB |
FMSY_proxy | 1 | Hlutfallslegt gildi úr LBI greiningu, þar sem gert er ráð fyrir að M/K = 1.5 | |
Lc | 59 | Lengd við fyrsta veiði, 50% af tíðasta gildi | |
LInf | 136 | Hámarkslengd tegundar | |
K | 0.06 | Vaxtarhraði | |
LF=M | 78.25 | 0.75 x Lc + 0.25 x LInf |
Horfur
Grunnur ráðgjafar fylgir forskrift Alþjóðahafrannsóknaráðsins fyrir stofna þar sem ekki er hægt að framkvæma tölfræðilegt stofnmat en til eru vísitölur sem taldar eru gefa mynd af breytingum í stofnstærð (Category 3 stocks; ICES,2025). Lífmassavísitala fyrir hlýra úr SMB er notuð til að reikna tímaháða breytingu á stofnvísitölu. Þar sem upplýsingar um lífssögulega þætti eru til staðar auk nægjanlegra lengdarmælingagagna úr afla er ráðgjöfin byggð á svokallaðri rfb-reglu Alþjóðahafrannsóknaráðsins, sem gildir fyrir hvort fiskveiðiár 2025/2026 og 2026/2027.
Hlýri. Útreikningur ráðgjafar.
Ay: Ráðgjöf fyrir 2024/2025 | 296 |
Breytingar í stofni | |
Vísitala A (2024-2025) | 3 426 |
Vísitala B (2021-2023) | 3 315 |
r: Hlutfall vísitölu (A/B) | 1.033 |
Vísitala veiðihlutfalls | |
Meðallengd í afla(Lmean = L2024) | 80 |
Lengd við kjörsókn (LF=M) | 78 |
f: Vísitala veiðihlutfalls (LF=M/Lmean) | 0.972 |
Gátmörk | |
Vísitala seinasta árs (I2025) | 3 575 |
Aðgerðarmörk vísitölu (Itrigger=Iloss*1.4) | 3 363 |
b: Vísitala í hlutfalli við aðgerðamörk, min{I2025/Itrigger, 1} | 1 |
Varúðarlækkun til þess að tryggja að hrygningarstofn fari ekki undir gátmörk (Blim) með 95 % líkum | |
m: Margfaldari (byggður á lífssögu) | 0.95 |
Reiknuð ráðgjöf1) | 299 |
Sveiflujöfnun (+20 % / -30 % borið saman við Ay, aðeins beitt ef b>1)2) | 0 |
Ráðgjöf fyrir 2025/2026 og 2026/2027 | 299 |
% breyting á ráðgjöf3) | 1 |
1) Ay × r × 1/f × b × m | |
2) min{max(0.7Ay, Ay+1), 1.2Ay} | |
3) Tölur í töflu eru námundaðar. Útreikningar eru gerðir með ónámunduðum tölum og því gætu reiknuð gildi ekki stemmt | |
Gæði stofnmats
SMB nær yfir allt veiðisvæði hlýra, vikmörk vísitalna eru lítil og sveiflur frá ári til árs litlar. Gott samræmi er milli vísitalna hlýra úr stofnmælingum botnfiska í mars (SMB) og október (SMH).
Aðrar upplýsingar
Ástand hlýrastofnsins er alvarlegt enda hafa vísitölur lífmassa og nýliðunar lækkað ár frá ári og eru nú í sögulegu lágmarki og við aðgerðamörk. Því má búast lækkun í ráðgjöf á næstu árum eða jafnvel ráðgjöf um löndunarbann, nema veiðihlutfall verði lækkað og það dugi til að snúa þróuninni við.
Rannsókn frá Kanada sýndi að lífslíkur steinbíts voru yfir 90 % ef honum var sleppt innan við tveimur tímum frá því að hann var veiddur (Grant og Hiscock, 2014). Töldu höfundar að sama ætti við um hlýra vegna þess hve líkar þessar tegundir eru. Rannsóknir Hafrannsóknastofnunar hafa staðfest að svo sé fyrir hlýra sem veiddur er í botnvörpu. Rannsókn á lífslíkum hlýra eftir að hafa verið veiddur á línu og sleppt er yfirstandandi og benda þær niðurstöður sem eru komnar, að lífslíkurnar séu talsverðar.
Árið 2020 var veitt heimild til að sleppa hlýra. Brýnt er fyrir skipstjórnarmönnum að skrá fjölda fiska sem sleppt er í afladagbækur.
Ráðgjöf, aflamark og afli
Hlýri. Tillögur um hámarksafla, ákvörðun stjórnvalda um aflamark og afli (tonn).
Fiskveiðiár | Tillaga | Aflamark | Afli alls |
|---|---|---|---|
2012/2013 | 900 | 2 042 | |
2013/2014 | 900 | 2 250 | |
2014/2015 | 900 | 1 655 | |
2015/2016 | 900 | 1 913 | |
2016/2017 | 1 128 | 1 587 | |
2017/2018 | 1 080 | 1 553 | |
2018/2019 | 1 001 | 1 001 | 1 425 |
2019/2020 | 375 | 375 | 1 310 |
2020/2021 | 314 | 314 | 1 295 |
2021/2022 | 377 | 377 | 904 |
2022/2023 | 334 | 334 | 661 |
2023/2024 | 296 | 296 | 745 |
2024/2025 | 296 | 296 | |
2025/2026 | 299 | ||
2026/2027 | 299 |
Heimildir og ítarefni
Grant, Scott M, and Wade Hiscock. 2014. Post-Capture Survival of Atlantic Wolffish (Anarhichas Lupus) Captured by Bottom Otter Trawl: Can Live Release Programs Contribute to the Recovery of Species at Risk? Fisheries Research 151: 169–76.
ICES. 2025. ICES Guidelines - Advice rules for stocks in category 2 and 3. Version 3. ICES Guidelines and Policies - Advice Technical Guidelines. 31 pp. https://doi.org/10.17895/ices.pub.28506179
Stofnmatsskýrslur Hafrannsóknastofnunar 2025. Hlýri. Hafrannsóknastofnun, 6. júní 2025. Hafrannsóknastofnun, 9. júní 2023.