TINDASKATA Amblyraja radiata
Birting ráðgjafar: 12. júní 2026. Útgefið af Hafrannsóknastofnun.
Ráðgjöf
Hafrannsóknastofnun leggur til, í samræmi við nýtingarstefnu sem mun leiða til hámarksafraksturs til lengri tíma litið (MSY), að afli fiskveiðiárið 2026/2027 verði ekki meiri en 758 tonn.
Stofnþróun
Veiðiálag er undir varúðarmörkum (Flim) og kjörsókn (FMSY). Stærð stofnsins er yfir aðgerðarmörkum (Btrigger) og varúðarmörkum (Blim).
Tindaskata. Afli, hlutfallslegar breytingar á veiðistofni (B/BMSY) og hlutfallsleg veiðidánartala (F/FMSY). Skyggð svæði sýna 95% öryggismörk.
Stofnmat og gátmörk
Forsendur ráðgjafar | Kjörsókn (FMSY). |
Aflaregla | Ekki hefur verið sett aflaregla fyrir þennan stofn. |
Stofnmat | Afraksturslíkan byggt á löndunum og stofnvísitölum. |
Inntaksgögn | Afli og vísitölur úr stofnmælingu botnfiska að vori (SMB). |
Nálgun | Viðmiðunarmörk | Gildi | Grundvöllur |
|---|---|---|---|
Hámarksafrakstur | MSY Btrigger | 0.5 | Hlutfall af BMSY þar sem afrakstur er 50% af MSY |
FMSY | 1 | Fiskveiðidánarstuðlar skilgreindir sem hlutfall af FMSY | |
Varúðarnálgun | Blim | 0.3 | Hlutfall af BMSY þar sem afrakstur er 50% af MSY |
Flim | 1.7 | Fiskveiðidánartala sem að jafnaði gefur Blim |
Horfur
Tindaskata Forsendur fyrir stofnmatsárið og í framreikningum.
Breyta | Gildi | Athugasemdir |
|---|---|---|
Áætlaður afli (2026) | 211.75 | Skammtímaspá afla undir Fsq; í tonnum |
Stofnstærð B2027/BMSY (2027) | 1.07 | Skammtímaspá við óbreytta veiðidánartölu (Fsq) |
Fiskveiðidauði F2025/FMSY (2026) | 0.25 | Óbreytt veiðidánartala, Fsq (F2025/FMSY) |
Tindaskata. Áætluð þróun stofnstærðar (tonn) miðað við veiðar samkvæmt ráðgjafarreglu.
Grunnur | Afli (2026/2027) | Fiskveiðidánartala (2027) | Stofnstærð (2028) | % Breyting á lífmassa1) | % Breyting á ráðgjöf2) |
|---|---|---|---|---|---|
Hámarksafrakstur; FMSY | 758 | 0.254 | 1.11 | 4 | -9 |
1) Stofnstærð árið 2028 miðað við stofnstærð 2027 | |||||
2) Ráðlagt aflamark fyrir 2027/2026 miðað við ráðlagt aflamark 2026/2025 (837 t) | |||||
Lækkun ráðgjafar skýrist af því að núverandi stofnmat metur stofnstærð lægri en fyrra stofnmat.
Gæði stofnmats
Stofnmat var uppfært árið 2023 og byggir nú á tölfræðilegu afraksturslíkani (SPiCT). Inntaksgögn í stofnmatslíkanið eru heildarafli ár hvert og vísitölur úr stofnmælingu að vori (SMB) sem nær yfir 90% af útbreiðslusvæði tindaskötu. Við uppfærslu stofnmatsins milli ára hefur líkanið endurmetið stofnstærð niður á við yfir tímabilið.
Tindaskata. Núverandi stofnmat (rauð lína) borið saman við stofnmat áranna 2023, 2024 og 2025.
Aðrar upplýsingar
Tindaskata er brjóskfiskur. Hún er talin vera hægvaxta og langlíf tegund og því mikilvægt að sókn sé takmörkuð. Tindaskötu er aðallega landað á haustin sem er líklega tengt aukinni eftirspurn á þeim árstíma. Talið er að brottkast sé nokkuð á öðrum árstímum en rannsóknir benda til að lifun sé há.
Ráðgjöf, aflamark og afli
Tindaskata. Tillögur um hámarksafla, ákvörðun stjórnvalda um aflamark og afli (tonn).
Fiskveiðiár | Tillaga | Aflamark | Afli alls |
|---|---|---|---|
2020/2021 | 988 | 899 | |
2021/2022 | 921 | 484 | |
2022/2023 | 1 105 | 287 | |
2023/2024 | 822 | 204 | |
2024/2025 | 818 | 215 | |
2025/2026 | 837 | ||
2026/2027 | 758 |
Heimildir og ítarefni
Pedersen, M. W., & Berg, C. W. (2017). A stochastic surplus production model in continuous time. Fish and Fisheries, 18(2), 226-243.
ICES. 2022. ICES technical guidance for harvest control rules and stock assessments for stocks in categories 2 and 3. In Report of ICES Advisory Committee, 2022. ICES Advice 2022, Section 16.4.11. https://doi.org/10.17895/ices.advice.19801564
Stofnmatsskýrslur Hafrannsóknastofnunar 2026. Tindaskata. Hafrannsóknastofnun, 12. júní 2026.