Jafnlaunastefna

Jafnlaunastefna Hafrannsóknastofnunar

Tilgangur og markmið jafnlaunastefnunnar er að tryggja að allt starfsfólk Hafrannsóknastofnunar njóti jafnra launa og kjara fyrir sömu eða jafn verðmæt störf, með vísan til laga nr. 150/2020 um jafna stöðu og jafnan rétt kynjanna. Stofnunin innleiðir og viðheldur jafnlaunakerfi þar sem laun eru ákveðin eftir sömu matsþáttum, sem fela ekki í sér mismunun á grundvelli kyns eða annarra ómálefnalegra þátta.

Til þess að uppfylla markmið jafnlaunastefnunnar skuldbindur Hafrannsóknastofnun sig til að:

• Innleiða vottað jafnlaunakerfi byggt á Jafnlaunastaðli ÍST 85:2012, viðhalda því og skjalfesta í samræmi við ofangreindan staðal.
• Árlega fari fram innri úttekt, launagreining og rýni stjórnenda.
• Bregðast við óútskýrðum launamun með stöðugu eftirliti og umbótum.
• Niðurstöður launagreininga og jafnlaunastefnan sé kynnt árlega fyrir starfsmönnum.
• Lögum, reglum og kjarasamningum sem í gildi eru, sé fylgt á hverjum tíma og að framkvæmdastjórn staðfesti árlega að þeim sé hlítt.
• Bregðast við hverskyns frábrigðum með stöðugum umbótum og eftirliti til að bæta stjórnun kerfisins.

Jafnlaunastefnan er forsenda launastefnu Hafrannsóknastofnunar.

Samþykkt á fundi framkvæmdastjórnar 27.04.2021.