Rannsóknir | Hafrannsóknastofnun

Hitastig sjávar hefur áhrif á útbreiðslu ískóðs við Ísland

Fri, 19 Dec 2025 12:22:16 +0000

sérfræðingar á Hafrannsóknastofnun birtu nýlega vísindagrein um tengsl milli útbreiðslu ískóðs og hitastigs sjávar í kringum Ísland.

Fiskilóðningar við Viðey rannsakaðar

Thu, 18 Dec 2025 14:12:00 +0000

Mikið af hnúfubökum hefur haldið sig við Viðey nýlega. Starfsfólk Hafrannsóknastofnunar fór á stúfana og kannaði málið.

Ný grein um tengsl hvala og loðnu

Thu, 18 Dec 2025 11:35:00 +0000

Nýlega birtist grein í Marine Biology sem ber heitið Útbreiðsla hvala og loðnu í tíma og rúmi á Austur-Grænlandsgrunninum að hausti.

New York Times segir frá leiðangri á Þórunni og veltihringrásinni

Tue, 16 Dec 2025 11:00:00 +0000

New York Times birti nýlega grein um leiðangur á rannsóknaskipinu Þórunni Þórðardóttur og breytingar veltihringrásarinnar í Atlantshafinu.

Afdrif og áhrif þörungaeiturs í fæðukeðju sjávar

Wed, 10 Dec 2025 11:25:00 +0000

Hafrannsóknastofnun tekur þátt í alþjóðlegu verkefni um þörungaeitur í fæðukeðju sjávar á norðurslóðum á tímum loftslagsbreytinga (Marine phycotoxins in the Arctic: an emerging climate change risk, vinnuheitið er PHATE).

Nýjar rannsóknaniðurstöður um kolmunna

Thu, 13 Nov 2025 15:20:00 +0000

Tvær nýjar vísindagreinar unnar undir forystu Háskóla Íslands í samstarfi við Hafrannsóknastofnun leiða í ljós flókna stofnagerð kolmunna í Norðaustur-Atlantshafi. Stofninn er blanda af mörgum undirstofnum, sumir svæðisbundnir og aðrir víðförlir. Þetta hefur afleiðingar fyrir fiskveiðstjórnun og gæti verið mikilvægt fyrir afkomu tegundarinnar á tímum loftlagsbreytinga.

Svartserkur nemur land við Noreg

Mon, 10 Nov 2025 16:45:00 +0000

Svartserkur er ný framandi tegund í fjörum hér við land en tegundarinnar varð fyrst vart árið 2020. Þá fundust eggjasekkir í fjöru, en snigillin sjálfur fannst í Breiðafirði árið 2023. Nú hefur tegundarinnar orðið vart við Noregsstrendur og því ljóst að hún er að dreifa sér um Norður Atlantshafið.

Ný grein sýnir fram á pólhverfa útbreiðslu marflóstegundarinnar Amathillopsis spinigera

Tue, 21 Oct 2025 14:18:00 +0000

Ný grein birtist fyrir skemmstu í og ber heitið Clinging onto Arctic Benthos: Biogeography of Amathillopsis spinigera Heller, 1875 (Crustacea: Amphipoda), including its redescription. Helstu niðurstöðurnar rannsóknarinnar sem lýst er í greininni eru þær að að marflóstegundin Amathillopsis spinigera virðist vera að alveg pólhverf* og getur búið bæði á miklu grynnri slóðum (á um 10 metrum) en einnig á talsvert meiri dýpt en áður hafði verið talið (á rúmu þriggja kílómetra dýpi).

Viðhorf Íslendinga til skelfisks rannsakað í viðamiklu norrænu verkefni

Mon, 20 Oct 2025 16:05:00 +0000

Rannsóknasetur HÍ í Þingeyjarsveit mun í samstarfi við Hafrannsóknastofnun rannsaka þörungaeiturefni í fæðukeðju sjávar með tilliti til sjálfbærrar þróunar á norðurslóðum.

Ný grein um eggjaframleiðslu og lifun þorskseiða

Mon, 20 Oct 2025 11:33:00 +0000

Nýlega kom út grein í tímaritinu ICES Journal of Marine Science sem nefnist Key drivers and spatio-temporal variation in the reproductive potential of Icelandic cod. Í greininni er verið að rannsaka eggjaframleiðslu, meta áhrif meðalstærðar og aldursdreifingar á eggjaframleiðslu ásamt því að meta lifun þorskseiða fyrsta árið.

Saga sæsnigilsins svartserks á Íslandi

Mon, 01 Sep 2025 13:23:00 +0000

Í nýjustu grein Náttúrufræðingsins segja starfsmenn Hafrannsóknastofnunar ásamt fleirum frá mjög athyglisverðum fyrsta fundi sæsnigilsins svartserks (Melanochlamys diomedea) í Atlantshafi. Sagt er frá ferlinu frá því að hann sást fyrst í fjöru við Ísland þar til staðfest tegundagreining fékkst.

Ný rannsókn varpar ljósi á hvaða fiskar nýta klóþangsfjörur og áhrif þangtekju

Tue, 26 Aug 2025 15:41:00 +0000

Ný rannsókn, sem birtist í Journal of the Marine Biological Association of the United Kingdom, varpar ljósi á hvaða fiskar nýta klóþangsfjörur og um hugsanleg áhrif þangtekju á þá.

Áhrif sjókvíaeldis á götunga og skelkrabba

Mon, 25 Aug 2025 12:51:00 +0000

Niðurstöður meistararannsóknar um áhrif sjókvíaeldis á tvo hópa lífvera, götunga og skelkrabba sýndu að tegundafjölbreytileiki tegundanna minnkaði með aukinni nálægð við eldiskvíar og á sama tíma fækkaði einnig einstaklingum af hópi götunga.

Ljósi varpað á lífssögu hákarls

Fri, 15 Aug 2025 10:09:00 +0000

Ný alþjóðleg vísindagrein varpar nýju ljósi á lífssögu hákarls og bendir m.a. á mögulegar gotstöðvar suðvestur af Íslandi. Hákarl finnst víða í norðanverðu Atlantshafi og er talin vera ein langlífasta hryggdýrategund í heimi.

Hafrannsóknastofnun rannsakar Surtsey ásamt fleirum

Thu, 24 Jul 2025 11:44:00 +0000

Árlegur rannsókna- og vöktunarleiðangur Náttúrufræðistofnunar til Surtseyjar fór nýlega fram. Í leiðangrinum tóku þátt sérfræðingar frá Náttúrufræðistofnun, Hafrannsóknastofnun, og fleiri.

Hitastig sjávar ákveður útbreiðslu hrognkelsis

Tue, 03 Jun 2025 11:39:00 +0000

Hrognkelsi hrygnir við strendur Íslands og annarra Norðurlanda og ungviði þeirra halda til hafs eftir því sem það vex, en hvert fara þau? Í nýrri vísindagrein frá vísindamönnum á Íslandi, Grænlandi, Færeyjum, Danmörku og Noregi, er útbreiðsla hrognkelsa rannsökuð út frá gögnum frá alþjóðlega vistkerfisleiðangrinum í Norðurhöfum að sumarlagi.

Má bjóða þér þörunga-kombucha?

Fri, 09 May 2025 11:32:00 +0000

Í grein sem birtist nýlega í tímaritinu International Journal of Gastronomy and Food Science, og ber heitir „þörunga-kombucha: Athugun á nýsköpun úr íslenskum sjávarauðlindum“ kemur fram að kombucha-framleiðsla hefur þróast í arðbæran iðnað víðsvegar í veröldinni.

Lítt þekktir djúpsjávarháfar rannsakaðir

Tue, 15 Apr 2025 16:11:00 +0000

Nýlega kom út vísindagrein sem fjallar um útbreiðslu og fæðuvistfræði 11 tegunda djúpsjávarháfa við Ísland. Rannsóknin , sem spannar nærri þrjá áratugi (1996–2023), er afar þýðingarmikil og veitir mikilvægar upplýsingar um vistfræði djúpsjávarháfa á þessu svæði.

Ný grein um erfðafræðilega aðgreiningu rækju

Mon, 14 Apr 2025 13:29:00 +0000

Nýlega kom út grein um erfðafræðilega aðgreiningu stofna innfjarðar rækju (algengar á grunnslóð) og úthafs rækju (stóri kampalampi, Pandalus borealis) við norðanvert Ísland. Notast var við raðgreind skerðibútagögn úr erfðamengi rækju sem safnað var úr Arnarfirði, Skjálfanda, og alla leið út að Kolbeinsey.

Ný vísindagrein um líffræði löngu laxsíldar

Thu, 06 Mar 2025 12:46:00 +0000

Langa laxsíld (Notoscopelus kroyeri) er ein af algengustu tegundum miðsjávarfiska í kringum Ísland en hún hefur verið lítið rannsökuð hingað til. Öflun þekkingar á líffræði tegundarinnar er forsenda sjálfbærar nýtingu hennar í framtíðinni.